Monaco cosmetics
Ahabanza  >>  Amateka n’umuco >> 

Sobanukirwa amateka y’urutare rwa Ngarama ahantu umwami Ruganzu Ndoli yimikiwe avuye Karagwe

Umuntu wese wumvise izina Ngarama ahita atekereza ku mugani wa Ngarama na Saruhara rwa Nkomokomo umwami w’ibishwi n’ibisiga.Ubu hakaba hari mateka ya kera kuva mu Rwanda rwo hambere ku ngoma y’abami bakaba ari nabo bashinze amateka yo ku rutare rwa Ngarama bakunze kwita Ibare rya Ngarama.


Aho umwami Ruganzu Ndoli yakandagije ikirenge

Urutare cyangwa se Ibare rya Ngarama riherereye mu murenge wa Ngarama, akarere ka Gatsibo, mu ntara y’iburasirazuba, mu birometero bikabakaba makumyabiri (20 Km) uvuye ahitwa mu byapa bya Ngarama ku muhanda Kigali-Nyagatare.

Ukigera mu gasanteri ka Ngarama, wubura amaso ukabona urutare runini rukabakaba hegitari eshatu. Urwo rutare rufite amateka cyane dore ko iyo urutambagiye uhabona Ikirenge cy’umwami Ruganzu Ndori , iriba ry’imbwa ze, ndetse n’ingoma iri mu rutare uhondaho ibuye bikavuga nk’ingoma.

Ibyo bintu usanga kuri urwo rutare abatuye muri uwo murenge batangaza ko bigaragaza koko ubwenge n’ubuhangange bw’uwo mwami nk’uko bivugwa mu mateka ye yamuranze.

Iriba ry’imbwa z’ umwami Ruganzu Ndoli

Iyo uhagaze kuri urwo rutare uba witegeye udusozi twa Kimbugu, Kigasha, Kibare na Mpangare ya Gitinda, ndetse n’umusozi wa Gatsibo k’imitoma witiriwe akarere ka Gatsibo mu mateka havugwa nkaho umwami Ruganzu Ndoli twavuze haruguru yimikiwe avuye Karagwe kwa Karemera uwari umutware waho aho yari yarahungiye.

Urutare rwa Ngarama ruri mubintu nyaburanga ubona bikenewe kwitabwaho nk’uko twabitangarijwe nab’abahatuye.
Urwo rutare ruteye ubwuzu ku buryo abantu bajya kuhafatira amahumbezi ariko hakibazwa impamvu hatitabwaho ndetse ngo hagirwe hamwe muhantu nyaburanga hamenyekanisha amateka.

Bronze

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X