Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

“Kuririmbira mu tubari nabyo bigira amafaranga” Danny Nanone

Umuraperi Danny Nanone ukunzwe mu ndirimbo z’urukundo kuri ubu aratangaza ko abahanzi badakura amafaranga muri Guma Guma gusa no kwamamariza ibigo bikomeye ahubwo no mu tubari bahakura amafaranga kandi atari .

Mu gihe mu Rwanda bimaze kumenyerwa ko abahanzi hafi ya bose basigaye bashyira ingufu muri muzika buri wese ahanze amaso Primus Guma Guma Super Star, kuko ariho akura mafaranga atari make ndetse bikamufasha no kwegera abakunzi be dore ko bisa nkaho ariyo mahirwe aba abonye kuko abasha kuzenguruka Intara zose z’igihugu, umuraperi Danny Nanone asanga n’ubwo ubu buryo ari amahirwe ku bahanzi ariko iyo aya marushanwa arangiye, abahanzi badaterera iyo ngo bongere gukorera amafaranga ariko asubukuwe, kuko no mu tubari amafaranga aboneka.

Aganira n’Imirasire.com yagize ati: “ Si Guma Guma gusa, kuko ntiwategereza igihe izagarukira ngo nibwo uzongera gukora kw’ifaranga, ahubwo hari n’ubundi buryo bwiza bwo kwegera abafana , mu tubari abafana baba bahari kandi amafaranga turayabona pe, yeah! Amafaranga aba ahari kandi atari make.”

Danny Nanone yaboneyeho no kutubwira ko uyu mwaka atangiranye ingufu nyinshi dore ko ashaka gukorana indirimbo n’umwe mu bahanzi bakomeye bo mu gihugu cya Tanzaniya ariko akaba yirinze gutangaza amazina ye kuko ngo bikiri mu mishinga.

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X