Monaco cosmetics
Ahabanza  >>  Amakuru yose >> Imyidagaduro >> Hanze y’u Rwanda >> 

Wema Sepetu umaze iminsi mike mu gihome yarekuwe by’agateganyo

Wema Sepetu wabaye Miss Tanzania mu mwaka wa 2006 wari umaze iminsi mike mu gihome akurikiranyweho ibyaha birimo gukoresha no gucuruza ibiyobyabwenge yagejejwe mu rukiko rwisumbuye mu Mujyi wa Dar es Salaam ku gicamunsi cyo kuri uyu wa Kane tariki ya 9 Gashyantare 2017 asomerwa ibyaha aregwa biri mu byiciro bitatu, nyuma urukiko rwanzura ko yaba arekuwe by’agateganyo agakomeza gukurikiranwa ari hanze.

Wema Sepetu uri mu bakinnyi bakomeye ba filime mu gihugu cya Tanzania yatawe muri yombi na Polisi kuwa Gatanu tariki ya 3 Gashyantare 2017, yari afunganwe n’abandi bahanzi bakomeye barimo Dogo Hamidu, Khalid Mohamed (TID) n’umunyamakuru uzwi cyane ukorera Clouds TV Babuu.

Umucamanza yavuze ko Miss Wema Sepetu afunguwe by’agateganyo akazongera kwitaba urukiko kuwa 28 Gashyantare 2017 ari nabwo hazamenyekana umwanzuro wa nyuma niba azakomeza gufungwa cyangwa azahanagurwaho ibyaha.

Miss Wema Sepetu wamenyekanye cyane mu rukundo n’umuhanzi w’icyamamare Diamond Platnumz aba bakaba baravuzwe mu bitangazamakuru bitandukanye kubera urukundo rwabo cyane cyane bageze igihe cyo gutandukana.

Tubabwire ko na Diamond Platnumz nawe byatangiye guhwihwiswa ko nawe ashobora gutabwa muri yombi dore ko nawe akekwaho gucuruza no gukoresha ibiyobyabwenge.

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X