Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Umuhanzi Mr Kagame yari apfuye avuye ku kiriyo Imana ikinga ukuboko

Umuhanzi Kagame Eric uzwi nka Mr Kagame,nyuma yo kuva ku kiriyo cy’umubyeyi w’inshuti ye yahuye n’impanuka ikomeye ku buryo ngo ubu yari kuba yaramaze gushyingurwa.

Uyu muhanzi avuga ko ubwo bavaga ku Ruhuha mu karere ka Bugesera berekeza i Kigali bageze mu nzira mu muhanda w’igitaka maze imodoka yibirindura inshuro eshatu basa n’abahungabanye, ariko ku bw’amahirwe ntihagira ubura ubuzima.

JPEG - 42.5 kb
Imodoka yari itwaye umuhanzi Mr Kagame na bagenzi be

Yagize ati “Twari tuvuye mu kiriyo cy’umubyeyi w’umusore w’inshuti yacu mu mpera z’icyumweru gishize, ubwo twageraga mu muhanda w’igitaka imodoka yagize ikibazo maze inanirwa gukatira mu kuboko kw’iburyo ntitwamenye igihe yibirinduriye”.

Yakomeje agira ati”Yabirindutse inshuro eshatu zose ariko ku bw’amahirwe ntihagira umuntu upfa, keretse umushoferi niwe wabaye nk’uvunika bikomeye ariko nanjye urebye ubu kweguka ni ikibazo”.

JPEG - 50.4 kb
Umuhanzi Mr Kagame

Kugeza ubu ariko akaba ahumuriza abakunzi b’umuziki nyarwanda by’umwihariko abakunzi b’umuziki we avuga ko nyuma yo kurokoka iyi mpanuka agiye gukomeza umuziki.

Ibi abihuza n’indirimbo Yise “Abantu” yiteguraga gushyira hanze muri uwo munsi yakoragamo iyo mpanuka,ariko agahamya ko mu minsi ya vuba n’ubundi iri bube yageze hanze ikazasohoka ari amajwi akanahita akora n’amashusho.

Umuhanzi Mr Kagame yamenyekanye cyane ubwo yashyiraga hanze indirimbo ibyinitse mu njyana y’injyaruwa yise”Ntimubimbaze” ndetse nyuma yaho jyaje gushyira hanze izindi zirimo nka shakira ahandi by’umwihariko akaba aherutse gushyira hanze indirimbo yise “Surwumwe”

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X