Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Urban Boyz yanyomoje amakuru yo gutandukana n’umujyanama wabo banakomoza ku ndirimbo Adam &Eve

Mu makuru ari gucaracara hanze aha aravuga ko itsinda ry’abahanzi batatu Safi, Nizzo na Humble Gizzo bazwi nka Urban Boyz baba batameranye neza n’umunjyanama wabo Nsengumuremyi Richard bamaranye imyaka igera muri irindwi bakorana baba bamaze gutandukana.

Ngo icyaba kihishe inyuma yiri tandukana ngo byaba ari kubera gupfa amafaranga y’igihembo cya Guma Guma begukanye.

Gushaka kumenya neza koko niba iri tsinda ryamaze gutandukana n’umujyanama wabo koko imirasire.com yavuganye na Safi Madiba umwe mu bagize Urban Boyz ku murongo wa telefoni(telephone) ye igendanwa maze aduhakanira yivuye inyuma ko batigeze batandukana na Richard bagikorana.

Yagize ati: “ Wapi ibyo ni ukubeshya Richard aracyari manager(umujyanama) wacu turigukorana neza muri gahunda zacu zitandukanye naho ibindi n’ibihuha.”

Humble Gizzo we aganira na kimwe mu bitangazamakuru bikorera mu Rwanda yatangaje ko imikoranire ya Urban Boyz na Richard koko itakiri nka mbere. Ariko biterwa nuko Richard afite akazi kenshi atari uko batandukanye.

Yagize ati: “ ayo makuru yo gutandukana ntacyo mfite nayavugaho keretse hari icyo Richard yaba abiziho ariko nka Urban Boyz ntayo tuzi.

Abajijwe uko amasezerano (contract) yaba ihagaze muri iki gihe, yavuze ko ubundi bajyaga basinyana contract y’imyaka ibiri yashira bakayongeza. Ariko ubu iyo contract yavanyweho bakorana nk’inshuti.


Mu kiganiro gito imirasire.com yagiranye na Safi Madiba yaboneyeho no kudutangariza ko bamaze gushyira indirimbo hanze bise Adam &Eve mu buryo bw’amagambo agize iyi ndirimbo (lyrics).

Tumubajije icyo bashatse kuvuga mu magambo make agira ati: “ Ni indirimbo y’urukundo, aha twashatse kuvuga urukundo hagati y’umukobwa n’umuhungu noneho tubigereranya na Adam na Eve bakiri muri Eden batarakora icyaha.”

JPEG - 19.3 kb
umunjyanama wabo Nsengumuremyi Richard

Tubibutse ko Urban Boyz aribo baherutse kwegukana igihembo cy’irushanwa rya Primus Guma Guma Super Star ku nshuro yaryo ya gatandatu.
Kanda hano wumwe indirimbo yabo

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X