Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Pacson niyishyura amafaranga ku maradiyo indirimbo ze ntizimenyekane ngo azafatana mu mashati na banyirayo

Mu gihe mu minsi ishize hamenyekanye amakuru y’uko amaradiyo (Radio) yo mu Rwanda agiye kujya acuranga indirimbo z’abahanzi ari uko bishyuye, umuhanzi w’umuraperi Ngoga Edson uzwi nka Pacson aravuga ko mu gihe azishyura ayo mafaranga indirimbo ze ntizicurangwe cyangwa ntizirenge umutaru azafatana n’abanyiri ibitangazamakuru mu mashati.

Ibi Pacson aherutse kubitangaza ubwo aya makuru yo kuzajya hishyuzwa abahanzi ku maradiyo yamenyekanaga, aho we yashyigikiye icyo gitekerezo nk’umuhanzi, gusa ashyiraho icyitonderwa ko umunsi yaba yishyuye indirimbo ze ntizimenyekane haca uwambaye.

Uyu musore uvuga ko kompanyi(Company) zose ziba zifite uburyo zinjizamo amafaranga bityo na radio akaba aribwo buryo bushobora kuzinjiriza bwiyongera ku bundi buryo bwo kwamamaza ubusanzwe bumenyerewe mu kwinjiriza itangazamakuru.

Agaruka ku buryo abahanzi bajya kwishyura ababakorera indirimbo haba mu buryo bw’amajwi n’amashusho, aha avuga ko abahanzi babikora babikunze nta gahato bityo ngo bikaba badakwiye kwijujutira ubwishyu bakwa ku maradiyo.

Ibi ngo bizaca akajagari n’inzicyekwe zigaragara hagati y’abahanzi mu gihe bishyuye amafaranga yabo abanyamakuru ngo indirimbo zabo zicurangwe ariko bikarangira umunyamakuru ayariye bigatera amakimbirane hagati yabo.

Pacson ashimangira ko akenshi abanyamakuru bakina indirimbo abahanzi bakamenyekana amafaranga akaba menshi bagatangira kubyibuha ariko ntibibuke wa munyamakuru wabafashije kumuzamura.Kwishyura rero ngo bizatuma impande zose zibona inyungu.

Ibi bitandukanye n’ibyo Riderman aherutse gutangaza ko abazanye iki gitekerezo ari ibisahiranda, agasanga ahubwo amaradiyo ariyo yakabaye yishyura abahanzi.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X