Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Humble Gizzo agiye gutanga Safi na Nizzo kurongora

Umuhanzi Manzi James uzwi nka Humble Gizzo nyuma yo kwemererwa n’umukunzi we urukundo nkumiramipaka mu minsi ishize ubwo bakoraga amashusho y’indirimbo “Do you Know”, kuri ubu yamaze kwemeza ko ukwezi kwa 12 uyu mwaka gusiga arongoye.

Taliki 14 Nyakanganga ubwo hafatwaga amashusho y’iyo ndirimbo, nibwo uyu musore yashize amanga ashinga ivi yambika umukunzi we impeta ibanziriza iy’ubukwe nyirizina (bague de fiançaille) maze baboneraho kuvuga ko mu kuboza aribwo bazambikana impeta y’urudashira.

Mu kiganiro n’itangazamakuru, Humble yatangaje ko kugeza ubu imyiteguro irimbanyije ndetse n’iwabo w’umukobwa bakaba bari mu myiteguro yo gutaha ubukwe bw’umukobwa wabo dore ko ngo buzabera mu Rwanda.

Amy Blauman w’imyaka 29 y’amavuko amaranye n’umukunzi James imyaka itatu bakundana akaba ari umwe mu ntiti zaminuje mu rurimi rw’igifaransa ndetse no mu buvanganzo, kuri ubu ngo akaba azakomeza kuba mu Rwanda n’ubwo avuka muri Leta Zunze Ubumwe za Amerika.

Uyu muhanzi agiye kurongora, mu gihe bagenzi be Nizzo na Safi nta gihe batangaza bazakoreraho ubukwe ndetse bakaba bashyigikiye mugenzi wabo utangiye uwo mushinga, cyokora ngo n’ubwo agiye kubasiga mu busiribateri (Celibataires) azakomeza kubana nabo mu itsinda rya Urban Boyz basanzwe baririmbanamo.

Uyu mwanzuro Humble awufashe nyuma y’abandi bahanzi bagenzi be bamubanjirije barimo Tom Close, Butera Knoless, Jack B n’abandi benshi batandukanye, benshi bakaba bakomeje kumushimira intambwe agiye gutera ya kigabo.

Ndacyayisenga Fred

Kanda hano udukurikire kuri Facebook na Twitter

Ibitekerezo

- 12/04/2017 saa 17:27

nibyiza kyane
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X