Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Abatanga ruswa ngo babone impushya zo gutwara ibinyabiziga bararye bari menge

Polisi y’u Rwanda ikomeje guta muri yombi abagerageza gutanga ruswa ngo babome impushya zo gutwara ibinyabiziga aho abagera kuri 30 bafunzwe hakaba higanjemo abakurikiranyweho amakosa yo mu muhanda no kugerageza gutanga ruswa kugira ngo babone impushya zo gutwara ibinyabiziga.

Aba bantu barimo n’umugore umwe, bafatiwe mu turere dutandukanye tw’iki gihugu bakora ibyaha bitandukanye bakagerageza guha ruswa abapolisi babaga babafashe kugira ngo babareke.

Muri abo harimo abashoferi b’imodoka bafatirwaga mu makosa anyuranye yo mu muhanda bagashaka gupfumbatisha ruswa abapolisi bo mu muhanda kugira ngo babarekure, aho kuyemera bagahita babata muri yombi.

Ruswa ihanitse yatanzwe n’umwe muri abo bantu ingana n’amafaranga y’u Rwanda ibihumbi 200 mu gihe iya make ari 2000 Frw.

Umuvugizi wa Polisi y’u Rwanda, ACP Theos Badege, yabwiye itangazamakuru ko aba bantu bose bagiye bakoresha amayeri anyuranye mu gutanga ruswa, harimo kuyanyuza kuri telefone ngendanwa z’abapolisi (mobile money), kwifashisha abandi bantu bazwi, gutanga amafaranga nk’impano, intwererano cyangwa amadeni bahimbye.

ACP Badege kandi yavuze ko iki gikorwa cyo gufata abakekwaho ruswa atari ubwa mbere kibaye kandi ko kizakomeza mu rwego rwo gukomeza urugamba rwo guca burundu ruswa.

Polisi y’u Rwanda igaragaza ko mu mwaka ushize abashoferi barenga 200 batawe muri yombi bakekwaho ibyaha bishingiye kuri ruswa.

Ibi bikaba buerekana ko abapolisi ba,aze kumenya ko ruswa ari mbi nyuma y’uko bagenzi babo mu nama y’Abaminisitiri iherutse guterana ku wa 3 Gashyantare 2017, iyobowe na Perezida wa Repubulika Paul Kagame, yirukanye burundu abapolisi 198 bagaragawemo amakosa atandukanye harimo na ruswa.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X