Monaco cosmetics
Ahabanza  >>  Amakuru yose >> Imikino >> Hanze y’u Rwanda >> 

Champions League:Fc Barcelona yahaye isomo PSG isomo itazibagirwa mu mateka ya Ruhago

Mu ijoro ryo kuri uyu wa Gatatu taliki 08 Werurwe 2017 by’umwihariko ku munsi wahariwe abari n’abategarugori, nibwo ikipe ya Fc Barcelona yihanangirije ikipe ya Paris Saint Germain iyinyagira akayabo k’ibitego 6-1.

Uyu mukino watangiye n’ubundi Barcelona isatira izamu cyane ku buryo igice cyambere cy’umukino cyarangiye imaze kubona ibitego byayo 2 mu gihe yaburaga ibindi 3 ngo ibe yabona amahirwe yo gukomeza dore ko yasabwaga bitanu.

Mu gihe kugeza ku munota wa 87 w’umukino, FC Barcelone yasabwaga gutsinda ibitego bitatu ngo ikomeze muri 1/4 cya UEFA Champions League, babashije kubigeraho, basezerera PSG ku bitego 6-5 mu mikino yombi.

Barcelone yasatiriye PSG kuva ku isegonda rya mbere ry’umukino, ishaka kwishyura ibitego 4-0 yatsindiwe mu Bufaransa, ndetse bidatinze ku munota wa gatatu gusa, Luis Suarez afungura amazamu ku mupira yatsindishijwe umutwe nyuma yo gusohoka nabi k’umuzamu wa PSG, Kevin Trapp.

Mbere y’uko amakipe yombi ajya kruhuka, ku munota wa 40, Layvin Kurzawa yitsinze igitego ku makosa yo kugarira nabi kwa PSG, igice cya mbere kirangira Barcelone iyoboye umukino n’ibitego 2-0, ndetse hari icyizere cyo kubona ibindi bitego mu minota 45 yari igiye gukurikiraho.

N’ubwo Barcelone yongeye gutangira neza mu yindi minota 45 y’umukino, ibona penaliti yinjijwe neza na Lionel Messi ku munota wa 50, ibintu byahinduye isura ndetse biba bibi ku bafana bari mu rugo, ubwo ku munota wa 61 w’umukino, Edinson Cavani yatsindira PSG igitego cyatumye Barcelone igomba gutangira gutekereza gutsinda ibitego bigeze kuri 6, ni nyuma yo guhusha ubundi buryo bwagaruwe n’izamu.

Nyuma yo gukora impinduka zitandukanye, havamo abakinnyi nka Andres Iniesta wari wananiwe, bakinjizamo Arda Turan, Barcelone yabonye ibindi bitego bibiri mu minota ya nyuma y’umukino, byombi byatsinzwe na Neymar ku munota wa 88 n’uwa 90 kuri coup-franc na penalty mbere y’uko Sergi Roberto atsinda igitego cya gatandatu, gihesheje FC Barcelone kugera muri ¼.

Mu mukino ubanza wari PSG yari yanyagiye Fc Barcelona akayabo k’ibitego 4-0 ndetse bituma idahabwa amahirwe yo kutazagaragara muri ¼ cy’irushanwa.

Gusa ku rundi ruhande bamwe mu bakurikiranira hafi iby’umupira w’amaguru ntibishimiye imisifurire uko yagenze aho bamwe batanatinya kuvuga ko hashobora kuba hajemo amanyanga mbere y’umukino.

Biteganyijwe ko mu cyumweru gitaha aribwo hazaba indi mikino izahuza amakipe atandukanye akiri muri 1/8.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X