Monaco cosmetics
Ahabanza  >>  Amakuru yose >> Urukundo >> 

Burundi: Abanyeshuri 4 baburiwe irengero nyuma yo gutembera mu Rwanda

Kuva ku itariki ya 5 Werurwe 2017, ntawe uraca iryera abanyeshuri bane b’abarundi bo muri komini Busiga mu ntara ya Ngozi mu Burundi. Aba banyeshuri baburiwe irengero nyuma yo gutabwa muri yombi n’inzego z’umutekano mu Burundi bazira kuba baratembereye mu Rwanda.

Radiyo RPA yabashije kumenya amazina 3 muri ane y’abatawe muri yombi ivuga ko abo banyeshuri biga kuri Lycee de Mihigo ari Mutabazi, Karibu na Arthemon. Ngo polisi yabafatiye ku isoko rya Mihigo bashinjwa kuba bari baherutse mu Rwanda.

Umwe mu bari bahari yagize ati “Bafashwe ku ya 5 Werurwe, bavuye mu Rwanda aho bari baragiye gukina umupira w’amaguru bajyanwa kuri kasho. Ku wa kabiri nka sa mbiri polisi yabohereje i Ngozi ariko imiryango yabo yarabashakishije irababura, kugeza ubu ntawe uzi aho baherereye.

Imiryango yabo, iri mu kangaratete, ivuga ko itiyumvisha impamvu, abana babo batawe muri yombi bazira gukinira ruhago mu Rwanda gusa.

Umwe mu ba hafi babo yagize ati “Barashinjwa kuba baragiye mu Rwanda kandi bari bagiyeyo gukina, bari baratoranyijwe n’ikipe y’ino aha. Dukeka ko baba bafungiwe muri kasho y’urwego rw’igihugu rw’ubutasi.”

Ubwo RPA yahamagaraga burugumesitiri wa komine Busiga kuri telefoni yavuze ko atabona umwanya wo gusubiza naho komiseri wa polisi mu ntara ya Ngozi ntiyafata telefoni.

Si ubwa mbere hari abatawe muri yombi mu Burundi bashinjwa ko bavuye mu Rwanda, ndetse n’Abanyarwanda baba muri icyo gihugu bakunze guhohoterwa no gufungwa kuva muri 2015 ubwo Perezida Nkurunziza yatorerwaga kuyobora manda ya gatatu mu buryo butavuzweho rumwe.

Nkindi Alpha

Kanda hano udukurikire kuri Facebook na Twitter

Ibitekerezo

- 17/09/2017 saa 13:24

HARI ABANTUBANEBAFATIYEMURUSUMOPORISIYARABAJIJENGOBATURUTSE IMUSANZEKDBARIBESHYA..MUKAREREKANGORERO
Kanda hano umusubize

Francis - 2/04/2017 saa 19:58

Wowe wiyise Mayisha; ngo umugabo mbwa aseka imbohe sha. Udafite ikizima cyo kuvuga waceceka. Cyokora buriya uri icyana cya nyirakuru ntawakurenganya ntuzi ibyo uvuga
Kanda hano umusubize

muvunyi - 13/03/2017 saa 07:03

Wowe uvuga ko mu Rwanda mwamaze imyaka 35 mumeze nkuko u Burundi bumeze Ubu,ni ukuva ryari kugeza ryari?Ese wavutse ryari Ngo utubwire ibibi byaranze icyo gihe bimeze nk'ibiri mu Burundi Ubu! Ese Ubu lu Rwanda nta muntu ufungwa cyangwa Ngo aburirwe irengero?Dusubizanye ukuri ni à wubaha kandi utinya Imana!
Kanda hano umusubize

Nkusi - 11/03/2017 saa 07:20

Mayisha uri we koko! Isi ntisikaye na we umunsi umwe wazagwirwa nimvura yamahindu! Ibihe nkibyo murwanda twabimazemo imyaka irenga 35 ariko igihe kiragera ikiza gitsinda ikibi! Ni abarundi imana izabagobotora ubuyobozi bubi
Kanda hano umusubize

muvunyi - 13/03/2017 saa 06:57

Wowese Nkusi,iyi myaka ni kuva ryari kugeza ryari?Ese wavutse ryari Ngo utubwire ibyaranze icyo gihe?Ese mu Rwanda rw'ubu urimo nta muntu ufungwa cyangwa urigiswa?Tubwize ukuri ni à utinya Imana kandi uyubaha kurusha umuntu uwariwewese.
Kanda hano umusubize

John - 10/03/2017 saa 22:59

Urwanda mwahaye urubuga Radio RPA yagirizwa amabi yo gukokeza ubwicanyu na coup d'etat. aho natwe twobigomba twokwugurura urubuga kuri RNC cg FDLR kandi ntimwomara kabiri
Kanda hano umusubize

Nyakuri - 10/03/2017 saa 20:48

Abarundi buriya baracyakora iperereza kandi no mu Rwanda uburirwirengero polisi ikaza kuvugako igufite nyuma yibyumweru. Bagomba kubanza kubazwa neza ibyo bavuyemo.
Kanda hano umusubize

mayisha - 10/03/2017 saa 14:00

ese bari bagiye gukina umupira muruhe rwego boherejwe nandi bazi ko igihugu cyabo gifitanye amakimbirane nu rwanda uwiyishe ntaririrwa nibarye ayo bariye kuabafunga nigihombo ahubwo nibo batuma intambara itarangira
Kanda hano umusubize

jafari - 11/03/2017 saa 04:43

Ubuzima Nikatihabwa Ntawukwiye Kubuzimanganya.
Kanda hano umusubize

- 24/03/2017 saa 03:40

ahaaaa ibyabaye ku bandi nawe byakujyeraho
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X