Monaco cosmetics
Ahabanza  >>  Amakuru yose >> Imyidagaduro >> Hanze y’u Rwanda >> 

Perezida Magufuli yatunguye Diamond amuhamagara mu kiganiro kuri televiziyo

Perezida wa Tanzania Dkt Joseph Pombe Magufuli yahamagaye kuri telefoni umuhanzi Diamond Platinumz ubwo yari ari mu kiganiro kuri Clouds Tv.

Uyu muhanzi Diamond ubwo yahamagarwaga na Perezida Magufuli yari mu kiganiro kitwa 360 cya Clouds Tv.

Mu kiganiro bagiranye, Magufuli yabanje gushimira Diamond kuba yaribarutse undi mwana wa kabiri.

Yagize ati "Ndagushimye ko wibarutse undi mwana, niyamamaza wari ufite umwana umwe ariko ubu ufite babiri."

Abo bana akaba ari umukobwa we mukuru Tiffah ndetse n’umuhungu Nillan aherutse kwibaruka.

Diamond yishimiye guhamagarwa na Perezida Magufuli maze aboneraho no gusaba Perezida kuba hafi kandi agafasha abahanzi ba Tanzania bakarushaho guteza imbere ibyo bakora.

Yavuze ko bakigowe no kubeshwaho n’ibyo bakora ndetse no kwishyura imisoro, maze amusaba ko abafasha umuziki ukabasha kubatunga kandi bagateza n’imbere igihugu.

Magufuli yahise amusubiza ati "Nabyumvise, gusa ndagushimira kuba ukomeza kumenyekanisha Tanzania mu bijyanye n’umuziki.
Ndanabashimira n’abandi bahanzi bose na bariya bakinnyi ba filime ndabakunda cyane."

Mu byari byazanye Diamond muri iki kiganiro harimo gusobanura umushinga yatangiye wo kugurisha ibihangano by’abahanzi bose bo muri Tanzania babyifuza, indirimbo zabo zikajya zigurishirizwa kurubuga yise”Wasafi.com” aho indirimbo imwe izajya igura amafranga 300 y’amashiringi ya Tanzania, avugako ibi bizafasha umuhanzi kubanza gusarura amafranga mu ndirimbo mbere yuko igera hanze.

Diamond ni umwe mu bahanzi bakunzwe cyane muri Tanzania ndetse no muri Afurika, akaba akomeje no kwagura ibikorwa bye aho yatangiye no gukorana na bamwe mu bahanzi bo muri Leta zunze ubumwe z’Amerika nka Ne-yo baherutse gukorana indirimbo Marry you.

Dore uko byari byifashe muri icyo kiganiro


Bruce MUSHUMBA

Kanda hano udukurikire kuri Facebook na Twitter

Ibitekerezo

emmable - 16/03/2017 saa 07:21

nibyiza kabisa
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X