Monaco cosmetics
Ahabanza  >>  Amakuru yose >> Imyidagaduro >> 

Jenniffer Lopez mu mayira abiri nyuma yo gutera ishoti Drake

Umuhanzikazi ubarizwa muri Amerika Jenniffer Lopez nyuma yo kuvugwaho urukundo yari afitanye na Drake ariko rugashonga nk’isabune mu kanya nk’ako guhubya, kuri ubu yamaze gushyira benshi mu gihirahiro.

Mu mpera z’icyumweru gishize kugeza kuri uyu wa mbere taliki 13 Werurwe 2017, ni bwo umuhanzikazi Jennifer Lopez yagaragaye mu gace ka Bahamas ku nyanja ya pacifique muri Miamy ari kumwe na Alex Rodriguez bivugwa ko ari umukunzi we mushya.

Uyu muhanzikazi ubwo yari yambaye utwenda two kogana, ariko uwo musore ntiyagaragara mu mafoto ahubwo bahitamo kujya kwiherera ntibemera ko hari aho bahurira n’amafoto bombi bari kumwe.

JPEG - 216 kb
Amwe mu mafoto batashatse kugaragaza

Kwihisha itangazamakuru byatumye hibazwa impamvu Lopez adashaka ko bimenyekana niba koko ari mu rukundo na Alex hagacyekwa ko ashobora kuba agitekereza umuhanzi Drake biherutse kuvugwa ko yamwigaruriye.

Abasesengura iby’uyu muhanzikazi na mugenzi we, bavuga ko guhisha iby’iyi mibanire, byaba ari amayeri yo kujyana ibintu gahoro gahoro ngo abanze arebe niba koko hari icyo Alex arusha Drake kugirango azabone ku bitangaza, mu gihe abandi bavuga ko haba hari indi mishinga bafitanye bashaka kugira ubwiru.

Gusa ikindi cyateye abantu urujijo bigatuma bashimangira ko Lopez ashobora kuba ari mu gihirahiro cyangwa akaba ashaka kugishyira mu bakurikiranira hafi ibye, ni uburyo yashyize ifoto ya Rodriguez ku rukuta rwe rwa Snapchat mu gihe hatarashira agahe agahita ayisiba nta we urayica iryera bityo ngo bikaba bisobanura ko nawe atazi ibyo arimo.

Mu mpera z’umwaka ushize nibwo Jennifer Lopez na Drake batangiye kugaragaza umubano wabo udasanzwe ubwo batangiraga gushyira ahagaragara amafoto abagaragaza bari kumwe mu bihe byiza.

Kuva icyo gihe bakomeje kugenda basohokana ahantu hatandukanye mu bitaramo cyangwa umwe akitabira icyakozwe na mugenzi we.

Nyuma y’iminsi micye rero aba bombi bemeje iby’urukundo rwabo, nibwo hatangiye kumvikana ko Jennifer Lopez yaba yatangiye kwihebera Alex Rodriguez ndetse bakaba bakunze gutemberana ahantu heshi bagirana ibihe byiza.

Ndacyayisenga Fred

Kanda hano udukurikire kuri Facebook na Twitter

Ibitekerezo

kotaniro - 14/03/2017 saa 21:44

uyu mwana hispanic agaragara nkuzi kugitanga byanyabyo mbese afite ibakwe muri wa mucyino wabakuze twita hasi ball.
Kanda hano umusubize

KANKWANZI Joyce - 14/03/2017 saa 20:04

Ngo umukunzi we mushya?Tujye tuba serious.Ntabwo abakobwa bakwiye kuba nk'imyambaro.Uyu munsi baba bafite umugabo,ejo bagahindura bagafata undi.Birababaje. Ntabwo imana yaduhaye sex ngo tuyikoreshe mu kwiyandarika.Imana yashakaga ko twishimana gusa n'abagabo bacu biciye mu mategeko (Imigani 5:15-19).Usomye umubare w'abantu baryamanye na Jennifer LOPEZ,biteye ubwoba.Ntimukabyite ngo ni abakunzi be.Ahubwo ni abo baryamana.Niba bakundanaga,babana ubuzira herezo.Ikindi kandi imana yacu yanga abaryamana batarashakanye.Abakora ibyo yatubujije,ntabwo bazaba mu bwami bw'imana (1 Abakorinto 6:9,10).Mujye mwamagana bene aba,aho kuvuga ko bakundana.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X