Monaco cosmetics
Ahabanza  >>  Amakuru yose >> Imikino >> Mu Rwanda >> 

Umutoza wa Pépinière yatangiye gukina ku mubyimba Jimmy Mulisa

Nyuma y’uko ikipe ya Pépinière inganyije na APR Fc igitego 1-1 ku mukino wahuje amakipe yombi kuri iki Cyumweru taliki 19 Werurwe 2017,umutoza w’iyi kipe Muhoza Jean Paul ngo asanga uyu mukino wari ukenewe kugirango nibura bibe byamufasha kwikura ku mwanya wa nyuma vuba.

Aganira n’itangazamakuru nyuma y’umukino Muhoza yavuze ko uwo mukino yawubonye neza kuko ngo wagize uruhare rukomeye mu gutuma yaba ashobora kwicuma akava ku mwanya wa nyuma dore ko yari amaze kuba iciro ry’imigani.

Yagize ati” ”Umukino wanjye na APR ni umukino wari umeze neza kuko wari ufite icyo uvuze ku mpande zombi ariko kuri njye numvaga ko ari umukino ku rwego rwa tekinike numvaga ko ngomba kuwutegura nk’indi yose ariko wajya ku rwego rw’uburyo mpagaze ninjyewe wagombaga kuba nkomeye cyane”.

Ku ruhande rw’umutoza w’ikipe ya APR FC, Jimmy Mulisa ngo abona ibintu bitameze neza ndetse ntiyiyumvisha impamvu ikipe nka APR FC imaze imikino igera kuri itanu yose idatsinda, gusa ngo icyo abona kitagenda neza ari uko abakinnyi bamaze guta icyizere.

JPEG - 69.6 kb
Dr Leopold Munyakazi ku munsi w’ejo yongeye kujujubya abacamanza mu rukiko

Aganira n’itangazamakuru nyuma y’umukino, Mulisa utoza APR FC yavuze ko atiyumvisha impamvu iyi kipe igeze ku mikino nk’iyi idatsinda mu gihe ngo asanga abakinnyi baramaze guta icyizere, ariko mubyo arimo guhangana nabyo cyane; ni ukugarurira abakinnyi icyizere.

Yagize ati“Ntabwo bimeze neza kumva ko tumaze imikino niba ari itanu tudatsinda, kuri njyewe nk’umutoza ntago binshimishije niko nabivuga. Mu by’ukuri guta icyizere ku bakinnyi nabyo birimo urabona y’uko barimo barakinira.”

Uyu mukino wasize ikipe ya APR FC ku mwanya wa kabiri (2) n’amanota 41, mu gihe Pepiniere FC ikomeje kuguma ku mwanya wa nyuma n’amanota cumi na rimwe (11). Rayon Sports yo iracyayoboye urutonde n’ubwo igifite imikino itatu itarakina.

Ndacyayisenga Fred

Kanda hano udukurikire kuri Facebook na Twitter

Ibitekerezo

sebazima jean paul - 27/03/2017 saa 20:04

grand kosora iyo foto ntago ikenewe muriyo nkuri?
Kanda hano umusubize

Jean Chrysostome Hashakimana - 27/03/2017 saa 18:24

Fred sanisha inkuru na photo. Batazakunyuzamo ijisho.
Kanda hano umusubize

straton - 27/03/2017 saa 07:29

none se Iby'urubanza rwa munyakazi bije muri sport gute?
Kanda hano umusubize

- 26/03/2017 saa 15:19

None ibyuwo mugabo bigezemo bite
Kanda hano umusubize

Omar - 25/03/2017 saa 12:48

None c ibya Leopold bigezemo guys?
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X