Monaco cosmetics

Hagaragaye ibimenyetso byerekana ko Rihanna na Chris Brown bashobora gusubirana

Nk’uko byagiye bivugwa kenshi ko Rihanna na Chris Brown bashobora kwiyunga nyuma yo gutandukana ariko ntibibe, ubu noneho ikirimo kuvugwa ni uko aba bombi bashobora gusubirana.

Nyuma y’uko Chris Brown abaye inshuti na Rihanna ku rubuga rwa Instagaram, hari amakuru yamenyekanye ko bandikirana buri joro amagambo asa n’aganisha ku rukundo no kwiyibutsa ibihe byashize.

JPEG - 123.3 kb

Amakuru atangazwa n’imbuga zitandukanye, avuga ko kuri iyi nshuro noneho baba bazanye umuvuduko udasanzwe ndetse ngo ukaba uruta uwo bari bafite mbere yo gutandukana ariko bakabihisha itangazamakuru.

Ikindi kandi cyashyizwe ahagaragara ni uko ngo mu butumwa aba bombi bohererezanya ngo hari ubwibanda cyane ku byerekeye imibonano mpuzabitsina, bikaba bisanishwa n’ibihe bigeze kugirana kugeza ubwo umwe yashimagizaga undi ko ntawe umuruta.

Ibi bivuzwe nyuma y’uko mu 2015 aba bahanzi bigeze guhurira muri Studio maze hagati yabo ngo ntawigeze ahisha amarangamutima n’urukundo afitiye mugenzi we n’ubwo bagiye bakunda gutandukana nabi.

Gusa ngo icyo gihe bararebanaga akana ko mu jisho ariko bacishamo bakanasomana bishimangira ko baba basubukuye urukundo rwabo.

Nyuma yo kubonwa bahuje urugwiro umwe mu bari muri studio ariwe Assata yatangiye kubafotora ari nako abafata amashusho gusa aza kuyasiba yose ku mpamvu itaramenyekana bikekwako yaba yarabisabwe na Chris Brown yangako byamenyekana.

Kuva Chris Brown yakubita Rihanna ku buryo bukomeye bikanabaviramo gutandukana,nyuma byaje kuvugwa ko uyu muhanzikazi yaba ari mu rukundo na Dreck ariko agahora abyamaganira kure.

Gusa akimara gutandukana na Chris ntarabona undi musore akunda by’ukuri, byerekana ko atazibukiriye gukunda Chris kugeza ubwo bikomeje kuvugwa ko batangiye kubura umubano binyuze ku mbuga nkoranyambaga.

Ndacyayisenga Fred

Kanda hano udukurikire kuri Facebook na Twitter

Ibitekerezo

Irankunda - 4/07/2017 saa 16:36

Imana ishimwe kd ibahe gukundana
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X