Monaco cosmetics

Agahinda Ssemwaga yatewe na Zari gashobora kumujugunya mu manga atazikuramo

Nyuma y’uko Zari atandukana n’uwari umugabo we Ivan Ssemwanga akisangira icyamamare Diamond Platnumz, ubu ikirimo kuvugwa n’uko ngo amafaranga uyu mugore yakabaye arya arimo kuribwa n’abandi bagore ibintu bifatwa nk’ibishobora kumusiga mu manga y’ubukene.

Nk’uko bisanzwe bizwi ko uyu mugabo ari umwe mu bakire bakomeye mu gihugu cya Uganda, ngo asa n’uwasabitswe n’agahinda nyuma yo gusigwa iheruheru na Zari bityo ngo bituma ifaranga ryose akorera aritwara mu bagore amagana bahora bamushagaye.

Amakuru agera mu bitangazamakuru binyuranye avuga ko uyu Yvan Ssemwaga ubwinshi bw’amafaranga afite ngo butuma Zari ashobora kwicuza impamvu yamusize bigatuma yifuza kugaruka ariko ntibikunde bitewe n’abagore uyu wahoze ari umugabo we amaze kubakamo icyizere ariko ku rundi ruhande ngo bishobora gusiga uyu mugabo iheruheru mu gihe akomeje gutagaguza aya mafaranga akazisanga yasabye uwo yimye.

Ivan ngo kugeza ubu amaze kubaka itsinda ry’abakire bakomeye muri Uganda ryitwa Rich Gangs, aba baherwe ngo bakaba bafite uburyo budasanzwe bakoreramo amafaranga bifashishije imodoka zabo kabuhariwe ziva mu Burayi.

JPEG - 34.8 kb
Ingabo z’Abanyamerika ntizizongera gufatanya n’iza Uganda

Kuri ubu Zari amaze imyaka isaga itatu abana n’umuhanzi Diamond nk’umugore n’umugabo ndetse bakaba banafitanye abana babiri biyongera ku bandi batatu yabyaranye na Ivan Ssemwaga ataramwereka igihandure.

Gusa aba bombi nta mihango y’ubukwe bigeze bakora ngo berekane ko bagiye kubana, byatangiye havugwa urukundo hagati yabo, nyuma bizakugaragara ko Zari atwite inda ya Diamond, kuva icyo gihe kugeza uyu munsi Zari na Diamond babana mu gihugu cya Tanzania aho uyu muhanzi akomoka ariko bakaba bakunze no kwibera mu gihugu cya Afurika y’Epfo aho banafite urundi rugo.

Zari yatandukanye na Ivan mbere y’uko bari bamaranye imyaka isaga 10 ndetse banabyarana abana batatu b’abahungu ariko nyuma baje gutandukana kuko Zari ngo yashakaga uwo yabyaraho umwana w’umukobwa, bituma ashakira Diamond hasi hejuru dore ko bajyaga bahurira mu bitaramo n’ahandi ubwo yari akimara kwamamara.



Mu gihe Zari yari akimara kubyara imfura ya Diamond (Tiffah) Ssemwanga yakomeje kumwotsa igitutu amusaba kumuzanira umwana mu rugo kuko ngo ari uwe , icyo gihe yahamyaga ko baryamanye akiri muri Afrika y’Epfo mbere gato yo guhura na Diamond Platnumz.



Ibyo byaje guteza ikibazo hagati ya Zari na Diamond, ariko nyuma hakozwe ikizamini cya DNA kigaragaza neza ko Diamond ari we se wa Tiffah bikuraho amakuru yavugaga ko uyu muhanzi atabyara intangaza ze zabaye ibihuhwe.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X