Monaco cosmetics

Kenya:Umuhanzi Jaguar yishe abantu babiri

Kuri uyu wa Kane taliki 23 Werurwe 2017 Umuhanzi Kanyi Njagua uzwi nka Jaguar yagonze abantu babiri bahita bitaba Imana, nyuma y’uko imodoka yari atwaye yataga uburinganire(Balance).

Nkuko tubikesha Nairobinews.nation.co.ke yatangaje aya makuru,ivuga ko ubwo uyu munyamuziki yari atwaye imodoka yo mu bwoko bwa Range Rover yerekeza mu gace ka Makutano, ngo byamubereye ihurizo rikomeye ubwo imodoka ye yarengaga umuhanda maze akabura uko ayigarura mu mukono wayo bituma agonga abantu babiri bahita bapfa.

Polisi yo kuri Sitasiyo ya Sagana, yemeje aya makuru, maze ivuga ko abahitanwe n’iyi mpanuka ari umu motari witwa Mugo Mwangi ndetse n’umugenzi yari atwaye kuri witwa James Mainji w’imyaka 21 y’amavuko bombi bakaba bahise bajyanwa mu buruhukiro.

Mu gitondo cyo kuri uyu wa Kane, nibwo umuhanzi Jagua abinyujije ku mbuga nkoranyambaga, yihanganishije umuryango w’ababuze ababo bitewe n’iyo mpanuka.

Yagize ati”Uyu munsi mbabajwe no kubasangiza ubutumwa bw’impanuka nakoze yatwaye ubuzima bw’abantu,inshuti n’imiryango y’ababuze ababo ndayihanganishije.”

JPEG - 53.6 kb
Bumwe mu butumwa yasangije abamukurikira ku mbuga nkoranyambaga

Yakomeje agira ati”Kuba umuntu yakwisanga yakoze impanuka si uko aba yabigendereye,ndizera ko ibyabaye byose bishobora gucyemuka byumvikanweho n’ubwo inzego zibishinzwe zikomeje gukora akazi kazo.

Ibi bibaye mu gihe yemeje ko agomba kuzaboneka mu bakandida bahatanira kwinjira mu Nteko Ishinga Amategeko mu matora rusange azakorwa kuwa 8 Kanama 2017.

Jaguar wamenyekanye mu ndirimbo Kigeugeu no kuba ari mu bahanzi bakize cyane mu karere Kenya ibarizwamo kugeza ubu by’umwihariko Jagua ashimirwa ko yazahuye ubuzima bw’urubyiruko rwo mu kajagari ka Mukuru.

Ndacyayisenga Fred

Kanda hano udukurikire kuri Facebook na Twitter

Ibitekerezo

Kayobera Deo - 20/07/2017 saa 06:00

Pol San Garhiy Inakgewka Tu Mung Apokye Maysha Yaw Wat
Kanda hano umusubize

Jimmy - 24/03/2017 saa 08:18

poĺe sana kubabuze ababo. turihanganishije umuryango Wabuze
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X