Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Producer Fazzo yiyemerera ko yasenye hip hop y’abahanzi bo mu Rwanda

Mu gihe injyana ya Hip hop ikomeje kugenda icumbagira kugeza aho izindi njyana ziganjemo R&B na Afro beat zikomeje kuyihigika ugereranyije n’imyaka yo hambere,Producer Fazzo we ashimangira ko ari mu bagize uruhare rukomeye mu gutuma iyo njyana igenda biguruntege.

Uyu musore wagiye wigaragaza mu gukora ibihangano bya benshi mu bahanzi ba hano mu Rwanda bikanaha amahirwe abanzi batandukanye bakamenyekana bitewe n’ubuhanga bwe, kuri ubu rero avuga ko kuba muri abo bahanzi yazamuye biganjemo aba Raperi barasubiye inyuma, ariwe babaye nyirabayazana.

Producer Fazzo icyo ashingiraho avuga ko yagize uruhare runini mu gutuma Hip hop izima, ngo igihe yamaze yaragiye gukorera mu ntara y’Amajyaruguru mu karere ka Musanze muri Studio izwi nka Stone Island umwaka ushize,bituma abo yakoreraga ibihangano by’umwimere muri iyo njyana basigaye i Kigali Babura ubitaho.

Aha yatunze agatoki bagenzi be batunganya imiziki (Producers) bari basigaye i Kigali kwirengagiza abo bahanzi bakita kuzindi njyana gusa bityo bituma abahanzi bamwe bacika intege maze bitanga icyuho abahanzi ba R&B n’izindi njyana bigaranzura abaraperi gutyo.

Uretse ko kujya i Musanze nawe ngo byasubije inyuma ibikorwa bye bikanaba intandaro yo gucika intege kwa bamwe mu bahanzi, Fazzo yabwiye imirasire.com ko no kuba abanyamuziki ba Hip hop bakunze kuragwaho kunywa urumogi, ari kimwe mu byatumye nta muntu ucyiyumvamo iyo njyana,aha atanga urugero ku muhanzi P Fla uherutse gutabwa muri yombi nyuma yo gufatwa anywa ikiyobyabwenge cya Heroine kizwi nka Mugo.

Ikindi kandi ngo kuba Tuff Gangs yarasenyutse ngo ni kimwe mu byatumye umuziki nyarwanda udindira muri rusange,ariko by’umwihariko Hip Hop.

Fazzo udatinya guhamya ko akiri mu ba producer bakomeye mu Rwanda, yemeza ko mu rwego rwo kuzahura Hip hop ngo hari imishinga myinshi y’indirimbo afite kandi yenda gushyira hanze, aho arimo gukora indirimbo z’abahanzi batandukanye barimo Riderman,Jay C na Jay Polly, izo ndirimbo ngo zikaba zitezweho kugaragaza ishusho nyayo ya Hip Hop.

Cyiza Fabien (Producer Fazzo) yamamaye cyane nyuma yo kugenda kwa Lick Lick aho yasigaye akorera mu nzu ya Unlimeted record bituma agira izina riremereye, gusa mu minsi ishize yasaga n’uwacecetse n’ubwo atangaza ko ibikorwa arimo gutegura ari byinshi, yakoreye abahanzi nka Riderman, Jay Polly, Bull Dogg, Fireman, ndatse na Bruce Melody avuga ko yazamuye.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X