Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Kanye West na Kim Kardashian bashobora kuba bagiye gutandukana

Kanye West n’umugore we Kim Kardashian baravugwaho kuba bagiye gutandukana bapfa amafaranga yibiwe mu mujyi wa Paris mu Bufaransa.


Amakuru atangazwa na Hollywoodlife.com avuga ko aba bakunzi bafatwa nk’intangarugero mu miryango y’ibyamamare inamaze igihe mu rukundo baba bagiye gutandukana ndetse muri icyo gikorwa hakazagenderamo amafaranga angana na Miliyali imwe y’amadorari.

Kim Kardashian w’imyaka 36 y’amavuko urebye ngo niwe ushaka gufata iyambere mu gushaka gutandukana n’umugabo we ashingiye k’uko ngo Kanye West amuhoza ku nkeke amubaza iby’amafaranga aherutse kwibirwa i Paris ariko nawe ngo akavuga ko ntacyo umugabo we yakoze ngo ayo mafaranga agaruzwe.

Amakuru agera mu bitangazamakuru bitandukanye, avuga ko kuva Kardashian yakwibwa amafaranga, yabaye nk’utaye umutwe ashaka kwahukana ariko kuko byasaga n’ibihuriranye ko Kanye West yari arembeye mu bitaro bituma asa n’uwifashe ndetse ngo naho amaze gukirira aza amukora mu nkovu none akaba ashaka ngo batandukane.

Hollywoodlife ikomeza itangaza ko uwunganira Kardashian mu by’amategeko yamaze kwitegura ku buryo buhagije ndetse n’impapuro zo gusaba ubutane mu rukiko ngo yamaze kuzitegura igisigaye ni ukubijyana mu nkiko.

Mu kwezi k’Ukwakira 2016, nibwo Kim Kardashian yafatiweho imbunda n’abantu babiri bari biyambitse nk’abapolisi bamusanze mu cyumba cya hoteli yari acumbitsemo mu Mujyi wa Paris bamwiba amayero yari afite.

Gusa kuva ubwo kugeza n’ubu ngo usanga uyu munyamideli asa n’udatuje mu mutwe hakiyongeraho n’igitutu yotswa n’umugabo we, ari nacyo gishingirwaho bivugwa ko ashaka gutandukana na Kanye West kugeza ubu bafitanye abana babiri.

Ku rundi ruhande ariko, si ubwambere aba bombi bandikwaho ko bashaka gutandukana, kuko no mu Kuboza umwaka ushize byavuzwe cyane ko Kardashian yaba agiye gusaba gatanya kandi agakora ibishoboka byose ngo ariwe uzatsindira kurera abana, ariko nyuma uyu muryango warabihakanye biza kugaragara ko byari ibihuha.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X