Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Big Fizzo yarahiye ko Hip Hop atayireka

Umuhanzi ukomoka mu gihugu cy’u Burundi Mugani Desire umenyerewe ku izina rya Big Fizzo yarahiye yivuye inyuma ko adashobora kureka injyana ya Hip Hop kuko ari rwo rugendo rwa muzika yatangiriyeho abona abakunzi mu bihe byahise.

Uyu muhanzi kuri ubu uri mu Rwanda aho ari mu myiteguro yo ku murika umuzingo we( Album) yise Fizzology izaba igizwe n’indirimbo 12 ubwo yari mu kiganiro kuri imwe muri televiziyo zikorera mu Rwanda amaze gutanga Acapela yabajijwe impamvu atagikunda kuririmba mu njyana ya Hip Hop kandi yumva ayishoboye, niba yaba yarayiretse burundu, maze asubiza ko adashobora kuyireka kuko ari ujyana akunda kandi ifite byinshi imwibutsa mu buzima bwe bwa muzika.

Yagize ati: “Hip Hop ni nku mubyeyi wanjye sinshobora kuyireka kuko iri mu njyana nahereyeho naguha n’urugero ku ndirimbo yakunzwe nka ‘Leave me Alone’n’inkuru y’ukuri y’ibyambayeho kandi iyi njyana iramfasha cyane cyane iyo mfite ikintu ku mutima wanjye nshaka kugeza kubakurikirana ibihangano byanjye mbega nk’ubutumwa cyangwa se ibitagenda neza.”

Uyu muhanzi abarundi babatije ‘Gikundiro’, yongeyeho ko n’ikimenyetso cyerekana ko Hip Hop atazayireka ni uko nk’indirimbo Aratabura hamwe na 69 Code ziri kuri Album ye Fizzology yitegura kumurikira abarundi kuwa 30 mata 2017 i Bujumbura kuri Lacosta Beach.

Uyu muhanzi kandi wibera ku mugabane w’iburayi mu gihugu cy’Ubufaransa yari amaze iminsi akorana ibitaramo n’abakobwa bakunzwe mu Rwanda Charly na Nina aho bakoreye mu Bubirigi, Ubufaransa ndetse no mu busuwisi basoreje bagahita bagaruka i Kigali

Fizology ni Album nshya Big Fizzo agiye kumurikira i Burundi icyakora mbere yuko ajya i Burundi, biteganyijwe ko azabanza gukorera ibitaramo binyuranye mu Rwanda nubwo amatariki n’aho bizabera hataratangazwa. Ibi bitaramo ngo bishobora kubera i Kigali no mu zindi ntara nubwo bataratangaza neza aho bizabera kuko ngo hagishakishwa.

Muri ibi bitaramo byose kandi akazaba afashwa n’abahanzikazi Charly na Nina ndetse na Dj Pius.

Big Fizzo muri Leave me Alone

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X