Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Abagize Itsinda Trezzor amaganya ni yose nyuma yo gutegekwa guhagarika indirimbo yabandi basubiyemo

Nyuma y’iminsi mike abasore bagize itsinda rya Trezzor basubiyemo indirimbo “Urukundo bambe”ya Nyakwigendera Kizito Buzizi bakanashyira amashusho yayo hanze, kuri ubu umuryango we wategetse ko aba basore bahagarika icyo gihangano byihuse.

JPEG - 51 kb
umuhanzi Kizito Buzizi

Aganira n’itangazamakuru uyu wa Gatandatu taliki 25 Werurwe 2017,umukobwa wa nyakwigendera witwa Nyirarutega Djamada Amina ari nawe uhagarariye umuryango yavuze ko aba basore basabwe guhagarika iyo ndirimbo basubiyemo ku bitangazamakuru byose bayigejejeho kuko batabanje gusaba umuryango uburenganzira.

Yagize ati” Icyo dushaka twebwe ni uko bahagarika icyo gihangano aho bagishyize hose kuko bajya gusubiramo indirimbo ntabwo bigeze badushaka ngo tuganire, bityo ngo bahabwe uburenganzira!icyo dushaka ni uko itakongera gucurangwa.”
Ku ruhande rwa Trezzor, umuyobozi w’iri tsinda Kana Yves avuga ko biteguye guhagarika iyi ndirimbo ariko kandi ashimangira ko kuba barayisubiyemo(Cover) we atumva ikibi kirimo kuko umuntu kuba yasubiramo igihangano cy’undi nta kosa aba akoze kuko no mu bihugu byateye imbere usanga babikora kandi bikagenda neza.

JPEG - 70.9 kb
Kana Yves umuyobozi wa Trezzor

Yagize ati “Twemeje ko iyo ndirimbo bayihagarika nk’uko babyifuza, itangazamakuru ryayihagarika kubera ko bo ntabwo bumva ijambo cover icyo aricyo, bumva ko twasubiyemo igihangano cyabo tutasabye uruhushya umuryango wabo.

Akomeza avuga ko niba ari uko bimeze bemeye kutongera kuyikoresha anashimangira ko nubusanzwe bafite indirimbo nziza kandi zikunzwe bityo iyo bategetswe guhagarika atariyo bari batezeho amakiriro.

JPEG - 44.8 kb
itsinda rya Trezzor ryasabwe guhagarika indirimbo " Rukundo Bambe" ya nyakwigendera Buzizi

Mu ibaruwa ifunguye umuryango wa Buzizi wageneye ibitangazamakuru, uvugamo ko bikwiye guharika indirimbo yiganywe n’itsinda Trezzor kuko ngo uburyo bayiganyemo bitandukanye n’amategeko agenga umutungo mu by’ubwenge.

JPEG - 71.4 kb
Ibaruwa umuryango wa Buzizi wandikiye ibitangazamakuru

Gusa ku rundi ruhande, hari amakuru avuga ko umuhungu wa Nyakwigendera uba muri Uganda yari yarasubiyemo iyo ndirimbo y’umubyuyeyi we ariko iryo tsinda rikaba ryayikoze mbere y’uko we ayishyira hanze bityo ngo akaba ariyo ntandaro yo guhagarikwa kugirango azabanze ayishyire hanze ku buryo bunonosoye.

Ku cyifuzo cy’umukobwa wa Buzizi “Amina” yavuze ko icyangombwa ari uko indirimbo igomba guhagarara hanyuma y’ibyo ngo itsinda Trezzor rikazafata umwanya rikicarana n’umuryango bakaganira kuri icyo kibazo.

Kizito Buzizi ni umuhanzi wo hambere wakoze indirimbo zigakora ku mitima ya benshi, mu zo yamenyekaniyeho harimo nka;Uwari Uwanjye ndetse n’iyo yasubiwemo na Trezzor Urukundo Bambe.

Ndacyayisenga Fred

Kanda hano udukurikire kuri Facebook na Twitter

Ibitekerezo

John - 26/03/2017 saa 20:02

Ibyo bintu byogushishura ntibikigwzweho muzahange izanyu
Kanda hano umusubize

Pascal - 26/03/2017 saa 19:39

Abahanzi baravunika kdi itegeko ryizungura rivuga ko ibyo umubyeyi yavunikiye bitunga abana be atakiriho. None c Tresor irumva hari ukuri ifite? Bahange ibyabo bareke igihangano cya Muzehe Buzizi(Imana imuhe iruhuko ridashira) Numvise baranayangije
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X