Monaco cosmetics

Umuhanzi Navio uri mu myiteguro yo kuza i Kigali yagize icyo abwira Abanyarwanda

Umuhanzi Navio uri mu myiteguro yo kuza i Kigali yagize icyo abwira Abanyarwanda
Nkuko biteganyijwe ko umuhanzi Navio ubarizwa mu gihugu cya Uganda azataramira Abanyarwanda taliki 31 Werurwe 2017, uyu musore avuga ko kugeza ubu nta kabuza kuri uyu wa Gatanu ari bube yahasesekaye.

Aganira n’ibitangazamakuru byo muri Uganda, Navio yashimangiye ko ari mu myiteguro ikomeye y’uburyo azasusurutsa abafana be anasezeranya Abanyarwanda kuzakora ibishoboka byose akabashimisha birenze ubwo aherutse kubataramira ubwo yahaherukaga.

Navio urimo kubica bigacika cyane cyane mu ndirimbo yise “Njogereza” yaherukaga i Kigali muri Kanama mu gitaramo cyiswe Mutsig beer Fest cyamuhurije ku rubyiniro n’umuhanzi Wizz Kid ukomoka muri Nigeria.

Gusa igiteye benshi impungenge ni aho uyu mugabo azakorera igitaramo hakunze gufungwa bitewe n’amajwi akunze gusohoka cyane bikabangamira abaturage,gusa kuri ubu abategura icyo gitaramo bakaba bizeza abantu ko umutekano ari wose ntawe bizabangamira kuko imizindaro izaba yagabanyijwe ingufu.

Ibi bishingira kuko mu minsi ishize ubwo umuhanzi Ykee Benda uzwi mu ndirimbo munakampala yahataramiraga ariko polisi ikaza gufunga ibyuma kuko urusaku rwari rurembeje abantu.

Daniel Lubwama Kigozi uzwi nka Navio,yamenyekanye cyane mu ndirimbo zitandukanye nka Ayaya,Otyo,Tumunonye by’umwihariko bigeze ku ndirimbo ye ikunzwe yise Njogereza biba ibindibindi ,izo ndirimbo zikaba zaranamuhesheje amahirwe yo gutsindira ibihembo bitandukanye nk’umuhanzi wa Hip hop benshi badatinya kuvuga ko ariwe wabaye ikiraro abandi baraperi bo muri Uganda bambukiyeho.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X