Monaco cosmetics

Nyuma y’imyaka ibiri Juliana atagaragara agarutse mu ndirimbo – I’M STILL HERE

Umuhanzikazi w’umugande ukundwa na benshi kubera ijwi rye ry’umwimerere Juliana Kanyomozi nyuma yo kumara igihe mu bwigunge yasigiwe n’urupfu rw’umwana we yongeye kwigaragaza mu ndirimbo nziza yise ‘I’m still here’.


Uyu muhanzikazi Juliana yari amaze iminsi yibasiwe n’itangazamakuru rimubaza impamvu asigaye yigunze, ndetse n’impamvu adashaka umugabo tutibagiwe n’impamvu atakigaragara cyane mu bikorwa bya muzika , ariko we agasubiza ko nta kibazo afite ari gahunda zihariye zijyanye n’ubuzima bwe.

Mu kumara amatsiko mu gusubiza abakomeje ku mwibazaho cyane yahise ashyira hanze indirimbo iri mu buryo nw’amajwi n’amashusho yise ‘I’m Still here’ ugenekereje mu Kinyarwanda bisobanuye ngo ‘ndahari’.

Juliana yagize ati: “ Si indirimbo nakoze nitekerezaho njyenyine ahubwo na sosiyete muri rusange yisangamo kuko nibanze cyane gusobanura uko umuntu yakwikura mu bihe by’amage umuntu aba arimo, si iyanjye gusa ahubwo buri wese yisangamo.”

Juliana mu myaka irenga 10 amaze akora umuziki wamugejeje kuri byinshi harimo ibyiza n’ibibi byamuzweho harimo nko gutwara inda itateganijwe byavugwaga ko yayitewe n’umwe mubo bakorana mu kazi ko gutanga amanota mu irushanwa rya Tusker Project Fame, judge Ian.

Reba indirimbo I’m Still here ya Juliana Kanyomozi

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X