Monaco cosmetics
Ahabanza  >>  Amakuru yose >> Iyobokamana >> 

Ese koko Apostle Paul Gitwaza na Apostle Masasu Joshua baba batumvikana?

Iyo urebye cyane mu matorero akorera ku butaka bw’u Rwanda y’abantu ku giti cyabo usanga mu byukuri Itorero rya Zion Temple rihagarariwe n’Intumwa Gitwaza Paul ndetse n’itorero rya Restauration Church rihagarariwe n’Intumwa Masasu Joshua ariyo afite abayoboke benshi nyuma y’Idini rya Kiriziya Gaturika,Itorero rya Adepr n’idini rya Islam .

Mu gihe cyo hambere hagiye havugwa ko izi ntumwa 2 zidacana uwaka bitewe n’uko babaga basa n’abahanganye,ndetse birasakuza cyane.

Byari bigoye kubona umwe muri izi ntumwa yagiye kwigisha mu itorero ry’undi,ndetse kandi byari bigoye kubona izi ntumwa 2 zahuriye ahantu ari 2,ndetse ngo byari bigoye kumva icyigisho cy’Intumwa Masasu Joshua cyanyuze kuri Radio Authentic ,iyi ikaba ari Radio y’itorero ry’Intumwa Gitwaza Paul.

Gusa hagiye havugwa amakuru menshi ko hari ibiterane byakorerwaga mu gihugu cy’Uburundi izi ntumwa zigatumirwa mu buryo butandukanye ariko nyuma bagasanga bahahuriye batabizi.

Muri iyi minsi mike ishize hatangiye kumvikana ibyigisho by’intumwa Masasu Joshua kuri Radiyo Authentic ndetse nyuma haza kugaragara Intumwa Masasu Joshua yagiye kwigisha mu itorero rya Zion Temple.

Ibi byabaye nk’ibisanzwe kubatari bazi amateka yaba bakozib’Imana ariko na none bisa nko kubonekerwa kubari bazi amateka yabo.

Nkuko umukiristu wo mu itorero rya Zion Temple utashatse ko izina rye rijya ahagaragara yavuze ko ubu nta kibazo na kimwe kiri hagati y’umushumba wabo ndetse n’Intumwa Masasu Joshua kuko ngo basigaye bamubona kenshi kuri ubu ariko mbere ntabwo bajyaga bamubona.

Ubwo twageragezaga kuvugana n’ababakozi b’Imana bombi ntabwo byabashije gukunda ariko mu nkuru itaha tuzabagezaho inkuru icukumbuye yo kwiyunga kw’aba bakozi b’Imana.

Christian. N

Kanda hano udukurikire kuri Facebook na Twitter

Ibitekerezo

Julie Iranzi - 23/11/2017 saa 11:27

Ese ubu abantu bamaze gusomasoma iyinkuru yabapotre bakihana bakizera Yesu Kristo?
Kanda hano umusubize

KIRENGA JAMES - 8/04/2017 saa 10:33

Abitwa ba Apotres bamaze kuba benshi cyane.Ndetse harimo n'abagore.Urugero,Apotre MIGNONNE ukorera ku Kimihurura.Byose biterwa no gushaka ifaranga wa mugani wa Pastor Mpyisi.Ba Apotres nyakuri,wababwirwaga nuko bagenda bakora ibitangaza,ndetse bakazura n'abantu.Naho ba Apotres b'iki gihe,nta hantu na hamwe batandukaniye n'abayoboke babo. Kubyerekeye abagore basigaye bigira ba Pastors,Bishops cyangwa Apotres,Bible ibuza abagore kuyobora itorero.Byisomere muli 1 Timote 2:11,12;Abefeso 5:22 na 1 Abakorinto 14:34,35.Hali ibimenyetso byerekana neza abantu bakorera imana by'ukuri.Muli ibyo bimenyetso,hari kuba batagamije ifaranga.Muramutse mutabahaye amafranga n'ibyibahiro,nta numwe mwakongera kubona mu nsengero.Insengero zabo bazihinduramo amaduka cyangwa amazu yo gukodesha.
Kanda hano umusubize

- 8/04/2017 saa 11:27

urabeshya ntawuhejwe mumurimo wimana
Kanda hano umusubize

NYEMAZI PAUL - 8/04/2017 saa 18:45

KIRENGA yanditse aduha imirongo ya Bible ibuza abagore kuyobora insengero.Wowe uravuga mu cyuka gusa ngo "urabeshya ntawuhejwe mu murimo wimana",nawe duhe imirongo ya Bible yemerera abagore gushinga amatorero.Duhe urugero rumwe nibuze rwo muli Bible rw'umugore wayoboye itorero.Cyangwa intumwa ya YESU yari umugore.Nubwo abenshi mudashaka kubyemera kubera inyungu mubifitemo,ntabwo Bible yemerera ABAGORE kuyobora abagabo.Unyumve neza,simvuga mu butegetsi bwa LETA.Nta GENDER iba mu bintu by'imana.Bible ivuga ahantu henshi ko UMUGABO ari Chef w'UMUGORE.Byisomere muli 1 Abakorinto 11:3.Wabishaka utabishaka,niko imana yabitegetse.Kereka niba utemera BIBLE kandi abantu bose batemera Bible,baba barwanya imana,bityo bakazarimbuka ku Munsi w'Imperuka wegereje.
Kanda hano umusubize

- 15/05/2017 saa 05:57

Guhura sigitangaza kuruta kutubwira icyo banfaga nicyo wari kubanza gugakurikiza kwiyunga kwabo none urabanza kwiyunga utavuze icyabatanyaga
Kanda hano umusubize

nsabiyumva monac - 3/06/2017 saa 11:16

Umva nkubaze ibyo uvuga c urabizi ko ndeba ubihamya nkubizi neza?
Kanda hano umusubize

nsabiyumva monac - 3/06/2017 saa 11:17

Umva uragakizwa mwizina rya Yesu
Kanda hano umusubize

KIRENGA Chris - 23/08/2017 saa 05:18

@Kirenga James, ufite ubukene bw'ukuri kw'Ijambo ry'Imana budasanzwe ku buryo ndi wowe najya nirinda kugira icyo mvuga ku Ijambo ry'Imana n'abakozi b'Imana.
Kanda hano umusubize

- 23/11/2017 saa 10:53

mujye mwandika Imana ninyuguti nkuru,nimwandika imana gutya muba muvuze ikigirwamana
Kanda hano umusubize

KAZ - 8/04/2017 saa 07:04

ese ubundi ninde wababwiye ko ari intumwa??nibihe bitangaza bakora bigaragaza ko arizo? ngo mugihe cya nyuma hazaza abahanuzi b'ibinyoma kndi ngo bazaza biyita amazina y'igitinyiro.
Kanda hano umusubize

john - 8/04/2017 saa 11:29

umuhamagaro wumuntu nibanga rye nimana
Kanda hano umusubize

Niyonkuru Isidore - 13/05/2017 saa 11:17

Ukwo Nukuri Cyane
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X