Monaco cosmetics
Ahabanza  >>  Amakuru yose >> Iyobokamana >> 

Ese wari uzi ko gusenga ari imwe mu ntwaro zomora ibikomere?

Igihe cyose wowe wumva urushye,uremerewe, ni byiza ko wegera Imana ukayibwira ibyawe byose ikaguha inzira nyayo ikugomorera imigisha igukiza ibibi wanyuzemo byose ukarushaho kunezerwa udahuye n’uburiganya bwa Satani.

Ese umukristo hari urugamba ariho ku buryo yakenera intwaro? Wowe ugize umugisha wo gusoma ubu butumwa muri uyu mwanya reka dufatanirize hamwe dusobanukirwe.

Umukozi w’Imana Pawulo yasobanuriye Abakristo bo mu Efeso ko mukwiye gutwara intwaro zose z’umwuka.

Ibisigaye, mukomererere mu Mwami no mu mbaraga z’ubushobozi bwe bwinshi, mwambare intwaro zose z’Imana, kugira ngo mubashe guhagarara mudatsinzwe n’uburiganya bwa satani.

Kuko tudakirana n’abafite amaraso n’umubiri; ahubwo dukirana n’abatware n’abafite ubushobozi n’abategeka iyi si y’umwijima, n’imyuka mibi y’ahantu ho mu ijuru. Nuko rero mutware intwaro zose z’Imana, kugira ngo mubashe gukomera ku munsi mubi, kandi murangije byose, mubashe guhagarara mudatsinzwe.”

Satani rero akorera mu bantu , ni yo mpamvu ubona mu rugo hari ukutumvikana, ibibazo mu kazi, induru mu baturanyi bawe, imanza zidasobanutse n’ibindi.

Ngiyo impamvu Pawulo akugira inama yo gutwara intwaro z’Imana. Nanjye nkakubwira nshize amanga ngo uru rugamba rwawe, ururwane witwaje intwaro yo gusenga nk’uko bivugwa ngo :” Musengeshe Umwuka iteka mu buryo bwose bwo gusenga no kwinginga….”( Abefeso 6: 18).

Nyamara intwaro yo gusenga yarakoreshejwe kuva ibwami kugera ku bapfakazi. Ni ukuvuga, kuva ku munyambaraga kugeza ku munyantege nkeya ugereranywa n’umupfakazi. Kandi abanyuze iyi nzira bagiye babona ibisubizo.

Iyi ntwaro yo gusenga, umugaragu w’Imana Mose yarayikoreshe amara iminsi mirongo ine asenga, maze Imana imuha amategeko yo kuyobora Abisrayeli ndetse inamwereka uko azarema ihema ry’ibonaniro.

Ibyo tubisoma muri Bibliya Igitabo cyo Kuva 24: 1-18 no Kuva 25: 1- . Ubuzima bwa Mose bwaranzwe n’ibihe byinshi byo gusenga

Iyi ntwaro, Abacamanza b’Abisrayeli barayikoresheje dushingiye ku rugero rwa Gideoni. Aha ndakubaza wenda waba uri umucamanza, ese ujya wibuka gusenga ngo Imana iguhishurire ibyo ubona byose udasobanukiwe?

Gusenga rero bizaguhuza n’inshuti bikakuruhura umubabaro wose ukababarira uwakugiriye nabi mugasenyera umugozi umwe bityo aho uri hakarangwa amahoro aho kuba amahano mukubaka ejo heza.

Ndacyayisenga Fred

Kanda hano udukurikire kuri Facebook na Twitter

Ibitekerezo

jyoram - 13/04/2017 saa 01:21

muduhenomerozanyu
Kanda hano umusubize

MANZI Daniel - 10/04/2017 saa 10:00

Abantu hafi ya bose barasenga.Ariko nagirango mbanze nkosore umwanditsi w'iyi nkuru.Ntabwo Bible ivuga ko MOSE yamaze iminsi 40 asenga ku musozi.Urabyitiranya na YESU wamaze iminsi 40 asengera mu Butayu.Ku byerekeye GUSENGA,tugomba kumenya ibintu 2.Nubwo abantu hafi ya bose basenga,abantu imana yumva ni bake.Icya mbere,ntabwo imana yumva abanyabyaha banga kwihana.Tubisoma muli Yohana 9:31.Icya 2,ntabwo imana yumva abantu baba mu idini yigisha ibinyoma bidahuye na Bible (Matayo 15:9).Kandi amadini yigisha ibinyoma ni menshi cyane.Urugero,amadini yigisha ko YESU atari umwana w'imana ni menshi cyane.Niyo mpamvu muli Yohana 3:16 havuga ko abantu batizera YESU batazabona ubuzima bw'iteka.Mu madini atemera ko YESU ari umwana w'imana,twavuga Abaslamu,Abahinde,aba Boudhists,Abayahudi,aba Brahnam,etc...Aba mvuze bonyine,barenze 1/2 cy'abantu batuye isi.Ariko no mu madini yitwa Abakristu,hari amadini menshi yigisha ibintu byinshi bidahuye na Bible.Urugero,nta hantu na hamwe Bible yigisha ko imana ari Ubutatu.Nta na rimwe Abigishwa ba YESU bigishije ko imana ari ubutatu.UBUTATU batangiye kubwigisha muli 325,nyuma ya CONCILE yabereye i NICEA muli TURKEY.Ikindi kandi,Abigishwa ba YESU nta na rimwe bamusengaga.Ahubwo basengaga kandi bagasingiza SE wa YESU gusa (2 Abakorinto 1:3). Bafataga YESU nk'UMUGARAGU w'imana (Ibyakozwe 3:13).Bitandukanye n'abitwa Abakristu b'iki gihe.Aho gusenga SE wa YESU gusa,basenga YESU ndetse bagasenga n'umwuka wera.Hari n'abandi benshi basenga Mariya.Ntabwo bazi ko YESU ubwe yadusabye gusenga SE wenyine (Matayo 4:10).Kubera ko YESU ubwe yigishaga ko SE amuruta (Yohana 14:28).Abantu banga gukurikiza ibyo Bible ivuga,ntabwo imana yumva amasengesho yabo (Matayo 15:9).Mwibuke ko na YESU yasengaga SE,arira kandi amwinginga (Abaheburayo 5:7).
Kanda hano umusubize

NYANJOBE Jude - 10/04/2017 saa 14:17

Urakoze MANZI we.Abantu hafi ya bose bitwa abakristu basenga YESU kandi ubwe yarivugiye ko SE amuruta (Yohana 14:28).YESU yarapfuye nyamara SE ntashobora gupfa.Bible yigisha ko YESU ari "ikiremwa cya mbere cy'imana" ,the first born of all creations (Abakolosayi 1:15). Nibyo koko YESU hali aho yitwa imana (Yohana 1:1).Ariko ntabwo YESU areshya na SE nkuko yabyivugiye muli Yohana 14:28.Ijambo imana hari igihe Bible irikoresha ishaka kuvuga "ukora ibitangaza cyangwa ufite ubushobozi buhambaye".Niyo mpamvu na MOSE yitwa imana ya FARAWO muli KUVA 7:1.Kubera ko na SATANI afite ubushobozi bukomeye,yitwa imana y'iki gihe iyobya abantu.Ntibitangaje rero kuba na YESU yitwa imana.Niwe wa kabiri kuli SE,ariko ntareshya nawe.Niyo mpamvu YESU yadusabye gusenga SE wenyine (Matayo 4:10).Gusenga YESU kandi ubwe yarabitubujije,ni icyaha.Wibuke ko nawe yasengaga SE (Yohana 11:41,42).Nta na rimwe abigishwa ba YESU bamusenze.Ahubwo basengaga,bakambaza SE wenyine.Tugomba kubigana.Nitwanga,ntabwo amasengesho yacu imana,SE wa YESU umurusha ubushobozi witwa Yehova,azayumva.Nta muntu ushobora kuba umukristu nyakuri atabanje kwiga neza Bible.Abakristu benshi,ntabwo bazi ko YESU ari "umugaragu w'imana" (Ibyakozwe 3:13).Aho gupfa gusenga gusa,mujye mubanza mwige uko tugomba gusenga n'uwo tugomba gusenga muli Bible.Ni SE wa YESU.Ntabwo ari bya bindi bigisha ngo imana data,imana mwana na mwuka wera.
Kanda hano umusubize

Nihorimbere Donatien - 24/07/2017 saa 21:56

Yesu nashimwe mwakoze kugira ico muvuzehe nanje nagira nkubaze ko tuzi ko hari mana zibiri, Imana yurudome Rukuru ni mana yurudome ruto washatse kuvuga Imana iyihe?? bible ivugango Yesu nase barangana kandi ico musaba cose kica kuri Yesu ntawundi wo kudushikira kuri Data sof Yesu kristo Amen
Kanda hano umusubize

Frederic - 9/04/2017 saa 22:20

muvyukuri.iy'urimubibazo.satani.acaza.anyarukacane.ngo.afatane.navyo.mwibuke.yezu.igihe.yarimugahinga.satani.yaciye.aza.kumugerageza.mugenzi.ntugaheranwe.nibigeragezo.pfukama.usenge.iyo.mwijuru.yesu.yatsinze.amen.
Kanda hano umusubize

RWASA.FEREDERIC - 9/04/2017 saa 16:30

ANA.YARINGUMBA.YAKIJIJWE.NO.GUSENGA,SENGANA,UKWEMERA.NUKWIZIGIRA.IMANA.NINYEMBABAZI.!!
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X