Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Amafoto: Abahanzi bari muri PGGSS7 basuye urwibutso rwa jenoside rwa Gisozi

Mu gihe ibikorwa byo kwibuka ku nshuro ya 23 jenoside yakorewe abatutsi mu mwaka 1994 bigikomeje, abahanzi bitabiriye irushanwa rya Primus Guma Guma Super Star ku nshuro yaryo ya karindwi(7) PGGSS7 kuri uyu wa gatatu tariki ya 12/04/2017 basuye urwibutso rwa jenoside ruri ku gisozi aho basobanuriwe uko jenoside yateguwe kugeza ishyizwe mu bikorwa igahitana abatutsi barenga miliyoni.

Mushyoma Joseph(Bubou) uhagarariye EAP ari nayo ifatanya na Bralirwa muri iki gikorwa yatangaje ko impamvu bahisemo kuzana amahanzi ku gisozi ari uko aba bahanzi basanzwe batuye I Kigali bityo ko bagomba kubanza kumenya ibyabereye aho batuye.

JPEG - 39.7 kb
Mushyoma Joseph aganira n’itangazamakuru

Yagize ati: “ aba bahanzi bose batuye I Kigali nta mpamvu rero yo kujya kure ya Kigali batabanje kumenya ibyahabereye kandi ariho begereye".

yongeyeho ko abahanzi ari bamwe mu bagize uruhare runini mu gushishikariza abahutu kwica abatutsi bityo baba bagomba kwigira ku mateka kugirango ntibazakore ikosa ryo kuba babiba amacakubiri mu banyarwanda.

Aba bahanzi bose bari muri PGGSS7 uko ari icumi bagaragaye muri iki gikorwa aribo, Dream Boyz,Christopher, Danny Nanone, Oda Paccy ,Queen Cha,Davis D, Active,Bull Dog, Social Mula, Mico The Best.

Reba mu mafoto uko iki gikorwa cyakurikiranye kugeza gisojwe

JPEG - 51.7 kb
Mbere yo gutangira uyu muhango, abahanzi babanje kubasobanurira uko biribukorwe
JPEG - 37.7 kb
Babanje kwerekwa Film ivuga kuri jenoside


JPEG - 56.7 kb
Bashyize indabo kumva ziruhukiyemo imibiri


JPEG - 46.5 kb
Batambagijwe urwibutso basobanurirwa uko jenoside yatangiye mu Rwanda n’uko yashyizwe mu bikorwa





JPEG - 38.2 kb
Umukozi w’urwibutso rwa Gisozi asobanurira abahanzi amateka ya jenoside
JPEG - 208.7 kb
Abahanzi bari bafite amatsiko yo gusobanukirwa neza uko jenoside yakozwe









JPEG - 207.3 kb
Aha Film barebaga Film y’ubuhamya bwa bamwe mu barokotse jenoside yakorewe abatutsi




JPEG - 206.2 kb
Nyuma yo gusobanukirwa byinshi kuri jenoside yakorewe abatutsi, abahanzi banditse ubutumwa bugenewe abanyarwanda bujyanye n’uko jenoside itakongera kubaho ukundi. ubu butumwa bukaba busigara ku rwibutso



Platini wo muri Dream Boyz wavuze mu izina ry’abahanzi akaba ari nawe watanze inkunga bari bageneye urwibutso rwa Gisozi nk’abahanzi, yavuze ko ibyo bigiye kuri uru rwibutso bazabisangiza abanyarwanda.

JPEG - 205.6 kb
Platini (hagati) avuga ijambo

Yagize ati: " Twe nk’abahanzi twize byinshi kuri uru rwibutso igisigaye n’uko tugiye gutambutsa ubu butumwa tubinyujije mu bihangano byacu dore bibasha kugera kuri benshi icyarimwe, kandi tuzaharanira ko jenoside itazongera kubaho ukundi."

JPEG - 169.5 kb
Platini asinya mu gitabo cy’abasuye urwibutso

Ibikorwa nk’ibi bikaba bigikomeje kuri aba bahanzi bari muri PGGSS7 kuko ku itariki 20/04/2017 bafite ikindi gikorwa cy’urukundo aho bazagurira abantu igihumbi(1000) ubwisungane mu kwivuza bo mu Karere ka Rubavu.

Twababwira ko insanganyamatsiko y’uyu mwaka igira iti: "Twibuke Jenoside yakorewe Abatutsi, turwanya ingengabitekerezo ya Jenoside, dushyigikira ibyiza twagezeho".

Bruce MUSHUMBA

Kanda hano udukurikire kuri Facebook na Twitter

Ibitekerezo

amizero jean de dieu - 24/06/2017 saa 17:35

muraho mwese abakunziba internet njyenumvaga uwobagize uwambere muri pggss nago ariwe warubikwiye.
Kanda hano umusubize

nitwa bizumuremyi vincent - 13/04/2017 saa 08:33

abo bahanzi bakoze ijyikorwa cyiza imana izabahe umujyisha mubyo bakora byose
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X