Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Indirimbo “Twibuke jenoside yakorewe abatutsi” amashusho yayo azagaragaramo abahanzi 40

Abahanzi batandukanye bahuriye mu rugaga rwa muzika nyaRwanda bashyize ahagaragara indirimbo yo kwibuka Jenoside yakorewe abatutsi 1994 ku nshuro ya 23 aho iyo ndirimbo bayise “Twibuke Jenoside yakorewe abatutsi”.

Nubwo hari bamwe mu bahanzinya Rwanda bagize uruhare rukomeye muri Jenoside yakorewe abatutsi, babiba urwango, ivangura bakwirakwiza ingengabitekerezo ya Jenoside babinyujije mu bihangano byabo.

Kuri ubu hari bagenzi babo biyemeje gukora umwuga w’ubuhanzi bwabo bimika umuco w’ubumwe , urukundo bashyira imbere indangagaciro z’ubunyarwanda babinyujije mu bihangano byabo.

Ni muri urwo rwego abahanzi baturuka mu mahuriro 6 agize urugaga nyarwanda rwa muzika bakoze indirimbo yo kwibuka abacu bazizeJenoside yakorewe abatusi 1994 yiswe “Twibuke Jenoside yakorewe abatutsi.”

Mu kiganiro IntoreTuyisenge Jean de Dieu umuyobozi uhagarariye urugaga rwa Muzika mu Rwanda, yagiranye n’ikinyamakuru imirasire.com kuri uyu wa 13 Mata 2017, Yavuze ko iyi ndirimbo bayikoze mu rwego mu rwo guhangana na bahakana bakanapfobya Jenoside yakorewe abatutsi 1994 bari mu Rwanda ndetse no mu mahanga.

JPEG - 38.5 kb
Umuhanzi Intore Tuyisenge umuyobozi w’ihuriro ry’abahanzi nyarwanda

Yagize ati,”Mu gihe twibuka Jenoside yakorewe abatutsi 1994 ku nshuro yayo ya 23, natwe nk’abahanzi nyarwanda twafashe iya mbere mu kunyuza ubutumwa bwacu mu ndirimbo turwanya ingengabitekerezo ya Jenoside yakorewe abatutsi ndetse n’abayihembera duhangana n’abayipfobya , haba abifashisha imbuga nkoranyambaga cyangwa n’ubundi buryo butandukanye, dushyigikira ibyiza byagezweho kandi duharanira ko ibyagezweho byiyongera kuko twifuza kugera kure “.

Ikindi Tuyisenge avuga ko ibi bizatuma bakomeza kugira umuco w’ubutwari bakomeza kuwuhererekanya kugirango n’abazabakomokaho bazakomeze kugira uwo muco w’ubutwari.

Ikindi kandi ni uko ibi biri mu mihigo y’itorero Indangabigwi ry’abahanzi bahize ubwo bari mu itotero mu kwezi kwa 9 umwaka ushize wa 2016.

Iyi ndirimbo y’amajwi yitwa “Twibuke Jenoside yakorewe abatutsi” ihuriwemo n’abahanzi bagera kuri 20 harimo nka IntoreTuyisenge, Tonzi, Big Tonny, Theo Bose babireba, Peace, Billy, Nyamitari, Jay Polly, Bruce Melody n’abandi.

JPEG - 48.1 kb
Bamwe mu bahanzi bumvikana muri iyi ndirimbo

Ariko biteganyijwe ko muri iyi ndirimbo mu gihe izaba imaze gukorerwa amashusho hazagaragaramo abandi bahanzi bagera kuri 40 harimo nkaNyiranyamibwa, Yohani Mariya ndetse na Senderi International Hit.

Insanganyamatsiko yo kwibuka Jenoside yakorewe abatutsi ku nshuro ya 23 ifite insanganyamatsiko igira iti:“ Twibuke Jenoside yakorewe abatutsi turwanya ingengabitekerezo ya Jenoside, dushyikikira ibyiza twagezeho.’’

Umva iyo ndirimbo

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X