Monaco cosmetics

Sheebah Kalungi asigaye atuma Bebe Cool adasinzira

Umuhanzi w’umugande uririmba mu njyana ya dancehall/reggae akaba n’umwanditsi w’indirimbo Moses Ssali uzwi nka Bebecool atewe ubwoba n’umuhanzikazi umaze kwigaragaza mu gihe gito ariwe Sheebah Kalungi ukomeje kwigarurira imitima ya benshi haba muri Uganda ndetse no hanze yayo.


Ibi Bebe Cool yabitangaje ubwo yari mu kiganiro kuri Televiziyo yo mu gihugu cya Uganda NTV ubwo umunyamakuru Douglas Lwanga yamubazaga ku mpinduka ari kugaragza muri iyi minsi harimo Nk’igishushanyo (Tatoos) inyogosho ye ndetse n’ibikorwa ashyize imbere muri iyi minsi.

Abajijwe uko ahagaze muri iyi minsi ndetse n’uko abona abahanzi bamuhangayikishije mu gukora ibihangano bikunzwe ku murusha, yagize ati: “ Ndacyari uwa mbere kandi nd’umuhanzi ukomeye muri Uganda kugeza ubu, ariko umuhakazi umwe gusa niwe umpangayikishije uri gutuma nkora cyane ni Sheebah Kalungi nta wundi. Ubu Sheebah yatumye nongera ingufu nyinshi muri muzika kubera umuvuduko nawe afite no kwigarurira abakunzi benshi cyane kuri ubu."

Yongeyeho ko abahanzi bakizamuka usanga bakunzwe nko mutubyiniro ariko kuri ubu aho ugeze usanga indirimbo za Sheebah ziba ziganje cyane ndetse zinakunzwe.

Bebe Cool yavuze ko agiye gukomeza gukora Video Nziza ndetse n’indirimbo mu buryo bw’amajwi zimeze neza kuburyo nta muntu uzamujya imbere mu rwego rwo gukomeza kuba umuhanzi ukomeye muri Uganda.

Sheebah Kalungi n’umuhanzi watangiye umuziki kera ariko ubwo yaririmbaga mu itsinda ryari rigizwe n’abakobwa ryakanyujijeho mu bihe byahise “Obsessions” ubwo benshi batamumenye nyuma ubwo iri tsinda risenyutse atangira kuririmba ku giti cye yamamara mu ndirimbo yakoranye na Pallaso bise “Go down low” yakunzwe cyane, Nkwatako ,Fumer yakoranye na Yakee Benda n’izindi.



Reba Sheebah hano mu ndirimbo yise “The Way”

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X