Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Bamwe mu bakurikiranira hafi umuziki wa King James batewe impungenge n’uko arimo kuzima bucece

Nyuma y’uko mu myaka micye ishize umuhanzi Ruhumuriza James uzwi nka King James abica bigacika mu ruhando rwa muzika nyarwanda, kuri ubu bamwe mu bakurikiranira hafi umuziki we bahangayikishijwe n’uko umuziki we urimo kugenda urangira bucece.

Izi mpungenge bazigaragaje mu gihe ngo batangiye kubona inganzo ye irimo kugenda icyendera ugereranyije no mu myaka yo hambere ubwo yatwaraga igihembo cya Primusi Guma Guma Super Star ku nshuro ya II.

Higiro Adolphe, umunyamakuru akaba n’umukinnyi w’amakinamico wamenyekanye cyane nka Shema umwe mubakurikirana ibihangano by’uyu musore avuga ko kuri aramutse atagarutse mu nganzo neza bishobora gutuma abura abafana benshi bityo akibagirana burundu.

Ibi yabishingiye ko ngo mu gihe cyashize King James yaririmbaga ibihangano bye bigatuma abantu nta zindi ndirimbo z’abahanzi bashidukira, yewe ngo akaba yasohora indirimbo nyinshi umusubirizo abafana be bakanyurwa, ariko kuri ubu ngo kuzumva ni rimwe na rimwe bityo akaba acyeka ko hari ibindi yaba yarahugiyemo yarutishije umuziki.

JPEG - 94.3 kb
Higiro Adolphe uzwi nka Shema

Yagize ati “Ikibazo gihari ni uko ubundi yajyaga akora ukumva abandi bahanzi arimo kubakura ku murongo ariko muri iyi minsi sinzi… Ashobora kuba afite ibyo ahugiyeho buri wese agira gahunda ze ariko abafana be ubu ntabwo turimo kumwumva, ntabwo tumubona.”

Ku byerekeye indirimbo King James aherutse gusohora mu gihe gito gishize zirimo nk’iyitwa Rasta,Ibare,Arogosha, Adolphe ibi ntabikozwa ahubwo agashimangira ko ari inzira yo guta umurongo kuko izo zitaryoheye amatwi nk’izo yakoraga mbere bityo agasanga aramutse adashyizemo imbaraga ibihangano bye byakwibagirana mu kanya nk’ako guhumbya.

Yagize ati “inganzo twe twamukundiye nk’abafana twarayibuze. Ndaguha urugero, ufashe ‘Rasta’ ukayigereranya na ya mitoma twari tumenyereye yo muri ‘Ndagukunda’ cyangwa ‘Ni iki utabona’ usanga inganzo atari imwe kandi muri icyo gihe indirimbo ze zari zigezweho cyane."

Yatanze ingero za bamwe mu bahanzi bagezweho nka Yvan Buravan cyangwa nka Social Mula,yemeza ko aba barimo gukurura abantu cyane, ngo bikaba bisaba rero ko na we ashyiramo akabaraga kuko ubundi King James yari umuririmbyi mwiza.

Umuhanzi King James uvugwaho gucika intege muri muzika ye, yegukanye irushanwa rya PGGSS II, muri Nyakanga 2012,icyo gihe ahabwa miliyoni esheshatu, izindi azihabwa gahoro gahoro.

JPEG - 156.2 kb
King James ubwo yatsindiraga igihembo cya PGGSS II yifotoranya na Tom Close yari asimbuye nyuma yo gutwara icyo gihembo ku nshuro ya mbere y’irushanwa

Muri icyo gitaramo cyagaragayemo umuhanzi w’igihangange Jason Derulo, waririmbye washimishije abatari bacye.

Ndacyayisenga Fred

Kanda hano udukurikire kuri Facebook na Twitter

Ibitekerezo

Ndayisenga Déo - 20/04/2017 saa 20:35

Turamusavy Kbs Agarukir Ibihangano Bye Kuk Biragaragara Nezako Ariho Ahindura Inganzoye
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X