Monaco cosmetics

Cindy Sanyu yongeye kwifatirwa ku gahanga nyuma y’imyambarire yateye benshi intimba

Umuhanzikazi Sindy Sanyu umaze kwandika amateka mu gihugu cya Uganda yongeye kwikomwa n’imbaga y’abafana, ababyeyi n’ubuyobozi nyuma yo kugaragara mu gitaramo ibibero byose biri hanze.


Uretse kwijujutirwa n’ingeri zitandukanye kandi, uyu muhanzikazi yarakariwe n’umwami w’Ubugande asaba ko atazongera kumubona mu birori bye nibura mbere y’imyaka icumi uhereye icyo gihe yaririmbaga.

Ibi biherutse kuba ubwo uyu mwami yizihizaga isabukuru ye y’amavuko maze mu bahanzi bakomeye bari batumiwe na Sindy yari abarimo, gusa ubwo yageraga ku rubyiniro benshi babaye nk’ahutajwe na serwakira kuko imyambarire yaje yambaye yatumye umwami amwifatira ku gahanga.

Bitaramara kabiri Sindy arimo kuririmba, umwami yategetse ko akurwa ku rubyiniro ngo asubizwe aho yari ari yongeraho ko agomba kumara imyaka 10 adakandagiza ikirenge cye kuri ubwo butaka ngo aje kuririmba.

Si umwami gusa iyo myambarire yateye inkeke kuko n’umwamikazi yunzemo atangaza ko uburyo Sindy yambayemo butandukanye n’indangagaciro zikwiye kuranga umuco w’ako gace yatumiwemo.

Mu itangazo ryasohowe n’ubwami bw’Ubugande rivuga ko Cindy atemerewe kwitabira bitaramo bizajya bitegurirwa umwami mu gihe kingana n’imyaka icumi.

Cindy Sanyu akunzwe kuvugwaho imyambarire ishotora abagabo uretse no ku rubyiniro ngo no mu buzima busanzwe usanga gushyira ubwambure bwe ku karubanda aribyo bimuranga.

Ndacyayisenga Fred

Kanda hano udukurikire kuri Facebook na Twitter

Ibitekerezo

- 22/04/2017 saa 16:07

Ntabgenge Agira!
Kanda hano umusubize

NKERABIGWI Israel - 21/04/2017 saa 06:50

Aba bakobwa bambara ubusa babiterwa nuko bakiri bato.Wa mugani UBUTO buraryana.Ariko nkuko Bible ibivuga,ubuto ni ubusa (Youth and prime of youth is vanity).Tubisoma muli Umubwiriza 11:10.Ariko bajye bamenya ko tugomba gukoresha UBUTO bwacu dushaka imana kandi tuyitinya.Tugomba kwirinda ibintu byose bibabaza imana.Urugero ni nko kwambara ubusa werekana amabere,ibibero,gusambana,etc... Kuko ababikora batazaba mu bwami bw'imana (1 Abakorinto 6:9,10). Naho abantu bumvira imana,izabahemba kuzuka ku munsi wa nyuma kandi ibahe ubuzima bw'iteka (Yohana 6:40).Muli paradizo bazabamo,abantu bose bazasubirana UBUSORE bwabo kuko nta musaza cyangwa umukecuru bazabamo (Yobu 33:25).Ikindi kandi,abazarokoka ku munsi w'imperuka,ubwo imana izica abantu bose bakora ibyo yanga,abo bazarokoka bazabaho iteka,batarwara,badasaza,bakundana,etc...Bisome muli Yeremiya 25:33 na Ibyahishuwe 21:4.Tujye twibuka ko ubuto bumara igihe gito cyane hanyuma tugasaza,tugapfa.
Kanda hano umusubize

MUNYEMANA Epa - 21/04/2017 saa 12:48

Urakoze cyane kuduhugura muli Bible.Kuvuga ko nta mwanya dufite wo kwiga Bible,ni ikosa rikomeye imana izaduhora ku Munsi w'Imperuka. None se ko tubona umwanya wo gushaka amafranga?Kandi dupfa tukayasiga?Ariko abiga Bible,bituma bamenya neza ibyo imana idusaba,bakabikora.Utize Bible,ntabwo wamenya ibyo imana idusaba.Kandi nuhera mu byisi gusa,Bible ivuga ko uba ari UMWANZI w'imana (Yakobo 4:4).Bityo ukazabura ubuzima bw'iteka.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X