Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Ni iki kihishe inyuma yo guhagarika umuziki kwa Amag The Black?

Umuhanzi mu njyana ya Hip Hop Hakizimana Amani uzwi nka Ama G The Black akomeje gushyira abafana be mu mayira abiri bibaza niba akiri mu muziki cyangwa niba yarawuhagaritse.Gusa ku rundi ruhande we avuga ko yari yarawuhagaritse gato muri iyi minsi.


Ibi babikomoza k’uko uyu musore amaze igihe kitari gito adashyira ibihangano bishya ahagaragara kandi akaba atabasobanurira ibyo ahugiyemo bituma abaheza mu rugabangabo.

Ibi kandi byiyongera ku makuru we ubwe aherutse kubwira imirasire mu ntangiro z’uyu mwaka ko afite indirimbo nshya yise “Abisi” ikurikira iyo yari ahertse gushyira hanze “Ikiryabarezi”ariko iby’iyo ndirimbo iminsi imaze kwihirika ntawe iranyura mu matwi ngo ayumve.

Mu kiganiro twagiranye n’uyu muhanzi, yasobanuye ko umuziki we yabaye awuhagaritse gato bitewe n’ibyo yari ahugiyemo atifuje ko bitangazwa, gusa ashimangira ko mu kwezi gutaha kwa Gicurasi agiye kongera gushyira ibikorwa bye ahagaragara.

Yagize ati”Hari ibyo nari mpugiyemo muri iyi minsi byasaga n’aho bitanyemerera gukora ibijyanye n’umuziki,ariko mu kwezi gutaha ndaba nongeye gukomeza ibyo bikorwa,ari nabwo iyo ndirimbo “Abisi”izajya hanze.”

Tubibutse ko uyu musore atigeze agaragara mu bahanzi 10 bazahatanira igihembo cya PGGSS VII,ibi akaba aherutse kubigarukaho,ashimangira ko kuba atisanzemo ntacyo bimutwaye kuko ngo umuziki uramutse unamunaniye afite byinshi yakora birimo n’akazi ko gukoropa aramutse akabonye.

Aha yashakaga gusobanura ko mu gihe cyashize agitangira umuziki yagaragarijwe ibyishimo bidasanzwe ndetse nyuma yaho agirirwa icyizere n’abafana be aboneka ku rutonde rw’abahanzi babonetse muri Guma Guma ku nshuro yayo ya IV, gusa izindi zazikurikiye ntiyigeze agaragara utibagiwe n’iy’uyu mwaka.

Ama G The Black yamenyekanye cyane ku ndirimbo yise uruhinja,Care,Ikiryabarezi, yongera kuvugwa cyane ubwo yafashaga Theo Bosebabireba gusubiramo indirimbo ye yise ingoma .

Ndacyayisenga Fred

Kanda hano udukurikire kuri Facebook na Twitter

Ibitekerezo

ruyizere - 23/04/2017 saa 05:32

ahaaa.a mag..yaba.atubabaje
Kanda hano umusubize

Ndagijimana jean - 22/04/2017 saa 18:21

Amag ndamukunda cyane!kuko niwemuhanzi unshimisha munjyana ya hip hap.
Kanda hano umusubize

niyomugabo emmanuel - 21/04/2017 saa 14:56

nnkunda amag kabone niyo azava mumuziki. niwe muhanzi nkunda wa hip hop
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X