Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Birashoboka cyane ko u Rwanda rwazayoborwa n’umugore-Perezida Kagame

Nyuma y’icyerekezo cy’iterambere u Rwanda rwihaye,ninako abagore bakomeje guhabwa ubwisanzure n’ijambo,ni muri urwo rwego Perezida Kagame ashimangira ko bitewe n’ubushobozi bafite ngo birashoboka ko hari igihe u Rwanda ruzayoborwa n’umugore.

Ubwo yaganiraga n’abagore bahuriye mu Rugaga rushamikiye ku Muryango RPF Inkotanyi, Perezida wa Repubulika yabashishikarije gukora kandi bagakoresha ukuri kuko bishoboka cyane ko u Rwanda rwazanayoborwa n’umugore.

Perezida Kagame avuga ko kuba umugore yayobora u Rwanda ntawukwiye kubibona nk’ikintu kidashoboka kuko ngo bishoboka cyane haramutse hakomejwe umuco ugenderwaho wo gukoresha ukuri.

Yagize ati “Ntuzabe Perezida w’umugore gusa, uzabe Perezida w’Abanyarwanda. Ugendere ku kuri, utarobanura. Udateza imbere ab’umuryango wawe cyangwa inshuti zawe cyangwa iki. Uteze imbere Abanyarwanda. Cyangwa udateza imbere abagore gusa ngo usiga abagabo, oya.

Yakomeje avuga ko ibyo byubakiye mu mahame ya RPF Inkotanyi yo kutagira uwo iheza mu iterambere n’imiyoborere by’Igihugu.

Ati “Uwo muco utuvanye kure uzatugeza kure nituwukomeza. Umuco wo gukoresha ukuri, wo kugira ubutwari bwo guhangana n’ibibazo, ntimubitinye bababwira ngo mubyihanganire, kubyihanganira ntabwo nzi icyo bivuze. Jye nakubwira guhangana na byo no kubikemura, ibikunze bigakunda, ibinaniranye ubwo biba bifite impera yabyo ukagumya ubishakira umuti. Ariko hatarimo kubyihanganira. Uwo ni umuco wa RPF, uwo ni umuco dukwiye kugira uwa buri munsi bikaba muri kamere yacu bitari ibyo gushakisha, n’uzaze ejo n’ejo bundi n’ikindi gihe n’igihe tuzaba tudahari RPF Igakomeza.”

Kagame yashimangiye ko RPF atari ukuvuga inyuguti ishatu gusa ahubwo biba bishatse kuvuga umuco igenderaho ndetse n’imikorere ihamye kandi inoze yayo.

Yasabye abagore kwiga bakamenya, bagakora ndetse bakanakira bagateza imbere u Rwanda. Avuga ko kugira ngo umugore atunge, akire bidasaba ko ari umugabo uzabimugezaho, ahubwo n’ubushobozi bwe, hanyuma umugabo n’umugore bagahuza umutungo wabo umuryango ukunguka ndetse n’Igihugu muri rusange.

Umukuru w’urw’imisozi igihumbi yagaragaje ko gushyira mu bikorwa ibivugwa ari ho ibintu bikomerera, asaba abagore bitabiriye iyo nama gushyira mu bikorwa gahunda nziza ziba zateguwe kugira ngo babashe kwiteza imbere no guteza imbere Igihugu.

Yagarutse ku myanya 30% yahariwe abagore mu nzego zitandukanye z’imiyoborere, avuga ko ari uburyo bwo kugerageza kwihutisha ubushobozi bw’Abanyarwanda muri rusange ariko by’umwihariko ubw’umugore.

Yagize ati “Ntabwo ari impano, mujye mubibona nk’urwego rwo kuririraho kugira ngo mugere aho twese twifuza kugera. Kandi niba wahageze nk’umugore, ugerageze ukore nk’umugore ukwiriye kuba akoresha ukuri, ukwiriye kuba akoresha ineza,akora ibintu uko bikwiye, ntuzahagere gusa ngo bibe ko uri umugore, nuba umugore ugakora nabi, ntabwo biba bikirimo kuba umugore gusa bibamo ko wabikoze nabi.”

Aha yagaragaje ko umugore aramutse akoze nabi inshingano ze yabibazwa hatitawe ko ari umugore kuko kuba umugore bitamuha uburenganzira bwo gukora nabi.

Abagore bahuriye mu Rugaga rushamikiye kuri RPF Inkotanyi bari bateraniye muri iyo nama bari mu nzego zinyuranye, harimo abakora mu nzego za Leta, abayobora imiryango idashamikiye kuri Leta ndetse n’abandi.

Mu byo biyemeje gukorera igihugu mu myaka ibiri iri imbere harimo, nk’uko Umuyobozi w’Urugaga, Mukantabana Marie yabihigiye imbere ya Perezida Kagame.

Guteza imbere ihame ry’uburinganire hagati y’umugabo n’umugore, kuba intangarugero mu gutanga serivisi nziza ndetse no kubitoza abandi, kurwanya ruswa ahantu hose, kugira uruhare mu guhashya icuruzwa ry’abantu no kwicuruza, guhangana n’ikibazo cyo gutwara inda zitateganyijwe mu bangavu, guharanira ko habaho imibanire myiza mu muryango, gushyira ingufu mu kwinjiza abanyamuryango bashya muri RPF Inkotanyi no kuzitabira amatora no kuzatora umukandida uzatangwa na RPF.

Ndacyayisenga Fred

Kanda hano udukurikire kuri Facebook na Twitter

Ibitekerezo

Kalisa - 25/04/2017 saa 06:23

Iyo nzibacyuho ni iyiki ? icyuho kiri he ?
Kanda hano umusubize

james sano - 23/04/2017 saa 15:41

Nuko ntore izirushintambwe abakwanga imana izabahane kuko waziyigihe uwo niwe muyobozi nyawe utavangura ntarebe kubutoni akarere cg ubwoko nibindi tubigire umuco ese mugirango abandi baturushiki ko aruko byabaga ubuyobozi bubi bucamo abavandimwe ibice imana ibane naba nyarwanda iturinde abagifite ibitekerezo bibi kandi iturindire gift yaduhaye kugeza yisaziye neza nawe akareba umusaruro wibyo yakoze akiri muto Paul oyeee iteka ryose
Kanda hano umusubize

james sano - 23/04/2017 saa 15:40

Nuko ntore izirushintambwe abakwanga imana izabahane kuko waziyigihe uwo niwe muyobozi nyawe utavangura ntarebe kubutoni akarere cg ubwoko nibindi tubigire umuco ese mugirango abandi baturushiki ko aruko byabaga ubuyobozi bubi bucamo abavandimwe ibice imana ibane naba nyarwanda iturinde abagifite ibitekerezo bibi kandi iturindire gift yaduhaye kugeza yisaziye neza nawe akareba umusaruro wibyo yakoze akiri muto Paul oyeee iteka ryose
Kanda hano umusubize

Hagenayezu Cyrille - 23/04/2017 saa 12:56

Barashoboye Tugonba Kugendana Nwiteranbere
Kanda hano umusubize

juba - 23/04/2017 saa 08:34

Hahahah, nonese HE niwe utanga ubu President!!! Ubu President butangwa na baturage we azabahe ubu ministeri.
Kanda hano umusubize

Rwego - 23/04/2017 saa 08:11

Nibyo kuko tugiyemu nzibacyuho yimyaka irindwi tukaba tujyanywe munzibacyuho nintore izirushintambwe.
Kanda hano umusubize

Ngoboka - 24/04/2017 saa 13:56

Intore ntabwo yakujyana munzibacyuho.
Kanda hano umusubize

tiwali - 23/04/2017 saa 07:58

nyakubahwa Perezida umugore ntiyayobora ikigihugu nubwo yakiyobora nikwakundi aba ari agakingirizo nkuko abasivili baba bameze. ntabwo mpinze abagore ariko ikigihugu nicyo kuyoborwa numugabo unyara agakunkumura
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X