Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Fazzo, Piano, T Brown ku isonga mu batunganya muzika bari kuzimira bucece

Mu muziki nyarwanda uko ugenda utera imbere hari aho uva ndetse n’abagira uruhare mu kuwuzamura ariko iyo bagaragaje intege nke bigaragara ko hashobora kugera igihe ukaba wasubira aho wahoze bitewe n’impano za bamwe na bamwe zigenda zikendera nta wuzi impamvu yabyo.

Ku byerekeranye n’impano za bamwe mu bazwiho ubuhanga mu gutunganya muzika mu buryo bw’amajwi kuri ubu abafatwa nk’abagize uruhare rukomeye mu myaka nk’itanu ishize cyangwa inarenga kuri bamwe, uwakwibaza aho baherereye kugeza ubu cyangwa se impamvu hatacyumvikana ibihangano byabo bimeze neza bikamamara nkuko byahoze mbere ntawamenya impamvu bagenda bazimira umwe kuri umwe.

Aha twaguhitiyemo bamwe mu batunganya umuziki bigaragaje cyane muri muzika nyarwanda ariko ubu ntibakigezweho kubera ko indirimbo twumva zigezweho usanga ziba zakozwe n’abatunganya muzika (Producers) bamwe badahinduka.

Jay p

Umusore Jean-Paul Gatsinda, uzwi ku izina rya Jay-P ni umwe mu ba Producer b’ inararibonye muri muzika nyarwanda igezweho(modern Rwandan music), dore ko anafatwa nk’ umwe mu bayitangije.
Jay-P, amaze igihe kirekire mu mwuga wo gutunganya indirimbo, inyinshi zagiye zica ibintu, nka “Tukabyine” ya Rafiki na Miss Jojo n’izindi kimwe n’ ibindi bitandukanye bikorerwa muri studio nko kwamamaza(Radio adverts & spots), Ibirango(Jingles), Ikinamico(Drama), Amajwi yo mu mafilimi(Soundtracks), aho yabikoze kuva mu mwaka w’ 2003, akabikorera ibigo bitandukanye bya Leta(EDPRS, NURC, CNLG, RRA,…) n’ ibyigenga(MTN na Tigo kuva yatangira gukorera mu Rwanda, SORAS, CORAR, BCR, SMS MEDIA …), abashoramari, amaradiyo(Flash FM 2004, C.FM 2005-2008, Isango Star, Voice of Africa,…) n’ ibindi ariko kugeza ubu nta gihangano kigezweho twumva cyakozwe n’uyu musore ubarizwa muri Studio ya Hope Street.

Davydenko

Ni umusore wamenyekanye cyane mu nzu itunganyamuziki yakanyujijeho yitwa F2K yazamuye ibyamamare bitandukanye bya hano mu Rwanda ubwo uyu musore nawe yageragayo yumvikanye nkuzanye ingufu nyinshi mu njyana zitandukanye ariko cyane cyane muri HipHop aho ntawatinyaga kuvuga ko ari we wari utegerejwe muri iyi njyana bityo abaraperi s’ukumuyoboka ku bwinshi karahava dore ko yagiye akorera benshi batandukanye nka Riderman, Bull dogg P Fla n’abandi batandukanye ariko kugeza ubu ntacyumvikana nka mbere ku buryo utapfa kumenya ibyo ahugiyemo.
nk’umwe muba tunganya muzika kubera ibihangano binyuranye kandi byakunzwe yagizemo uruhare.

T Brown

Izina T Brown ni rimwe mu mazina akomeye muri muzika nyarwanda kuko hari icyo ryakoze mu minsi yashize ubwo yakoreraga ibyamamare nyarwanda muri muzika ari mu nzu itunganya umuziki ya Rider Man “Ibisumizi” aho yakorere abahanzi nka Rider Man , Ama G The Black, Queen Cha, Paccy n’abandi bahakoreraga ariko batarahasinye amasezerano.
T Brown wahamaze igihe ndetse akanahakorera indirimbo nyinshi zakunzwe zirimo Arambona Agaseka, indirimbo za Rider Man zirimo Igitangaza, Uruhinja ya Ama G, Kabimye ya Kamichi n’izindi nyinshi.

T Brown yari amaze kubaka izina rikomeye ndetse nta no gushindikanya ko yari mu ba producer bari basigaye mu Rwanda nyuma y’aho Lick Lick ajyiriye muri Amerika.
T Brown yavuye mu Bisumizi mbere gato y’uko bifungwa kuko yari yirukanywe azira gushaka gusambana n’umuhanzikazi Fearless muri Sitidiyo bikaza guteza umwuka mubi hagati ye n’umukozi wari ushinzwe kwakira abakiriya witwa Dakim byanarangiye yirukanywe akaza kwerekeza muri studiyo ya F2K. Kuva ubwo ntiyongeye kumvikana n’ubwo yakomeje akazi ke bitewe n’uko atongeye gukorera indirimbo umuhanzi ukomeye cyangwa se ngo akore indirimbo imenyekane.

First Boy

Mu Bisumizi kandi hari undi mwana witwa First Boy byagaragaraga ko akiri muto ariko bigaragara ko asobanukiwe ndetse afite icyerekezo mu kazi ke ko gutunganya umuziki, ndetse anagaragaza umwihariko mu gukora indirmbo mu njyana ya Hip Hop, mu ndirimbo ya koze harimo Horo ya Rider Man, Ni Njye ya Ama G na M Izzo n’izindi.

Producer First Boy kuva yafatwa na polisi ari kumwe n’abandi basore bari kunywa urumogi mu gipangu cyari gituranye n’Ibisumizi. Ubwo yafungurwaga yasanze Rider Man yarazinze utwangushye, ibyuma yarabijyanye iwe nyuma y’aho abakozi bose bari bamaze kumunanira dore ko n’uwakoraga amashusho witwaga Huggor yari yarajyanwe I Wawa kubera kunywa ibiyobyabwenge.

First Boy agifungurwa yasubiye kwiga mu mashuri yisumbuye, ariko akajya akorera umuziki we muri Unlimited Records ariko nawe ntiyongeye gukora indirimbo ngo zikundwe nka mbere cyangwa se ngo akorere abahanzi bakomeye yari asigaye akorana na bo uretse Rider Man wajyaga umukoresha rimwe na rimwe.

Piano


Sheja Olivier uzwi nka Piano The Groove Man, Ni umwe mu ba tunganya muzika nyarwanda (Producers) bari bamaze kugira izina rikomeye kubera indirimbo bagiye bakora zigakundwa bikaba byarabaye akarusho aho agereye muri Super level kuko yahagiriye ibihe byiza cyane nawe ubwe atazibagirwa.

Uyu musore ukuri muto yakoreye abahanzi benshi batandukanye barimo Bruce Melodie, Urban Boyz, Mico the best, Fireman, Radio wo muri Good life Big Fizzo k8 kavuyo n’abandi benshi ntarondoye ntawakwibagirwa indirimbo z’aba bahanzi zanyuze benshi mu myaka ya 2015 ndetse na 2016 kuko nizo zacurangwaga ku ma radio ndetse na Television kuko ntawahakana ko indirimbo uyu musore yakoraga arizo zari zigezweho ariko ubu nawe ntakigaragaraza akorana n’aba bahanzi kandi bakomeje gukora ibihangano bimeze neza.

Fazzo

Uyu musore Cyiza Fabien bakunze kwita “Fazzo big producer” wamamaye mu nzu ya ‘Unlimitted Records’ nyuma y’igenda rya Lick Lick maze yiharira abahanzi bakomeye barimo nka Dream Boyz, Urban Boyz, abaraperi batandukanye n’abandi benshi abakorera indirimbo nziza nabo ntibamutenguha ziragenda ziramamara zikoreshwa mu bitaramo bikomeye nyuma gato yaje kugenda asa nucika intege abahanzi batangira kumurega kutubahiriza gahunda, kurya amafaranga y’abahanzi ntabakorere, guta akazi akigira mu nzoga n’ibindi… bityo bituma bagenda bamucikaho kugeza aho ahunze umugi akerekeza I Musanze akabeshya ko agiye kuruhuka kandi ariho yari asigaranye kubona akazi dore ko ahandi hose byari byanze kubera ubuhemu.

Nyuma ariko mu mpera z’umwaka ushize nibwo yagarutse muri Kigali avuga ko azanye amatwara mashya agiye gukora nka mbere ariko kugeza ubu nta nzu itunganya muzika izwi uyu musore wamusangamo dore ko abayeho ku buryo bw’ibiraka.

Kugeza ubu indirimbo ziri gusohoka zigakundwa ziri gukorwa n’aba producers barimo Pastor P, Lick Lick ukorera abahanzi b’abanyarwanda babarizwa muri Leta zunze Ubumwe z’Amerika ndetse na Junior rimwe na rimwe abahanzi bakajya no gukorera mu bihugu by’abaturanyi birimo nka Uganda.

Bakunzi ba muzika nyarwanda niba ubona hari abandi batagaragara kuri uru rutonde nabo bagize uruhare mu kuzamura muzika yacu uyu niwo mwanya wawe wo gutanga igitekerezo.

Bruce MUSHUMBA

Kanda hano udukurikire kuri Facebook na Twitter

Ibitekerezo

chris - 28/04/2017 saa 08:24

aba producers bo barahari rwose, Bob, Trackslayer, Chris cheetah, Dany beats even nuwo bita David muri ya studio ya Zizou
Kanda hano umusubize

ruzima - 27/04/2017 saa 06:29

Ubundi se si ugushishura injyana z'abandi bakoraga gusa? Ubwo nyine izo bashishura zararangiye babura uko babigenza, bahitamo kuba babuzeho.
Kanda hano umusubize

BigJoy - 27/04/2017 saa 03:55

shan aka ni akaga kabsa ntasoni wibagiwe Bizibi,Barick& na Bob pro ugezweho ubu koko
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X