Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Umuriro watse:Jay Polly yagejeje Ex Dirhor mu nkiko

Mu minsi ishize nibwo hasohotse inkuru mu bitangazamakuru bitandukanye ndetse no ku mbuga nkoranyambaga aho umusore usanzwe ufasha abahanzi uzwi nka Ex Dirhor yashinjaga umuraperi Jay Polly ubwambuzi.


Uyu musore yavugaga ko yashakiye ikiraka jay Polly bakavugana ko amafaranga azavamo bazayagabana nyuma Jay Polly yamara gufata amafaranga ngo akamwirengagiza ndetse na nomero ye ya telefoni akayisiba agahagarika ibintu byose byatuma babonana.

Ex Dirhor yavugaga ko icyo kiraka bakuyemo miliyoni ebyiri (2.000.000 frws) n’ukuvuga ko umwe yagombaga gutwara miliyoni imwe.

Mu gushaka kumenya neza icyo uyu muraperi avuga kuri iki kibazo cy’ubwambuzi ashinjwa aganira na Imirasire.com Jay Polly mu kababaro kenshi yavize ko Ex Dealer yamusebeje bikomeye bikaba byatumye anitabaza izindi nzego zibishinzwe kugira ngo ibyo yakoze abikuremo isomo.

Yagize ati: “ Ex Dirhor n’umuswa cyane yagakwiye gushaka uko yamenyekana mu bundi buryo adakoresheje izina ryanjye muri muzika, ni umwana cyane ese avuga ko mufitiye amafaranga hari amasezerano mfitanye nawe? Icyo nakoze n’ukumwifashisha nkamutuma ahantu nkuko n’abandi bahanzi bamwifashisha akajyana nk’indirimbo kuri Radio kandi ibyo si ibanga arabihemeberwa.

Yakomeje agira ati"Njyewe namutumye ahantu ngo agende avugane nabo arabikora bicamo ndetse n’agahimbazamusyi ke narakamuhaye sinzi rero impamvu yagenda yangiza izina ryanjye, si umukozi wanjye ikindi kandi Dirhor izi ngeso tuzimuziho zo kwiyitirira amazina akomeye muri muzika akagaragaza ko ariwe utugize kandi ibyo byari ibya kera ubu turi mu kazi.”

Jay Polly yavuze ko ibi bitarangirira aha kuko yamaze kubishyikiriza inzego zibishinzwe akaba ari bukuremo isomo ku buryo atazongera no gukinisha gusebya umuntu uko yishakiye dore ko yari amaze kubigira akamenyero.

Uyu muraperi umaze iminsi mu bitaramo bitandukanye twakwita ibiraka kuko bitavuzwe cyane mu itangazmakuru yadutangarije ko kuri uyu wa gatanu aribwo ari bushyire hanze indirimbo yise “Too Much” izaba iri ku muzingo we (Album) yise “Nta mpaka” azamurikira abakunzi be ku munsi wo kwibohora tariki ya 04/07/2017 ikazaba igizwe n’indirimbo 8.

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X