Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Amag The Black aragarama ibyo kwifashisha ubuvanganzo avugwaho ngo areshye umugore we

Mu ndirimbo yise “Lipsticks” umuhanzi Ama G The Black yashyize hanze ivuga uburyo ibirungo by’ubwiza abakobwa bisiga ku minwa bigira uruhare mu gusenya ingo, yahakanye ko hari aho byaba bihuriye n’urugo rwe rumaze hafi amezi ane rusenyutse.

JPEG - 60.8 kb
Rosene watandukanye na Amag The Black

Muri iyi ndirimbo Amag avuga ukuntu yatashye ubukwe bw’inshuti ye ubwo yari yamwambariye akaza kuhahurira n’umukobwa wari wisize ibyo birungo, mu gihe bwari burangiye baje guhuza urugwiro bajya mu kabyiniro barasomana birangira ishati y’umweru yari yambaye lipsticks zisigayeho.

Akomeza avuga ko byaje kumuteza umugore we bimuviramo kwahukana nk’uko iyo ndirimbo ikomeza ibishimangira.

Mu gitero cya nyuma uyu musore yicuza ibyo yakoze akanibaza niba ubukwe aribwo bwamusenyeye cyangwa niba ari ibyo birungo by’ubwiza byamukozeho bigatuma umugore we amusiga urugo rugasenyuka.

Nubwo indirimbo ari igihangano,umuyoboro abantu benshi bashobora gutambukirizamo ubutumwa cyangwa bikaba byaba bivuga ku bikunze kubaho muri sosiyete bitareba nyiri igihangano, abantu benshi bakomeje kuvuga ko Amag The Black yaba yasoheye iyi ndirimbo mu rwego rwo kugaragaza akababaro yatewe n’uko umugore we yamusize bitewe n’ubuhemu yamukoreye bushingiye ku byavuzwe muri iyo mirongo iri mu ndirimbo.

Ibi bishingira kuko yumvikana ku musozo wayo avuga ko amukumbuye icyo asigaranye akaba ari ifoto ye bityo akaba yifuza ko yagaruka.

Gusa ku rundi ruhande uyu muhanzi ibi abihakana yivuye inyuma kuko ngo iyi ndirimbo yayikoze umwaka ushize akiri kumwe n’umugore we,yewe n’ikimenyimenyi ngo yari gusohoka mbere y’indi yise “Ikiryabarezi” gusa ngo habaye impamvu ituma ayisohora nyuma.

Ubwo yaganiraga na Imirasire.com com,yavuze ko iby’isenyuka by’urugo rwe ntaho bihuriye n’inganzo ye kuko umugore we batandukanye indirimbo “Lipsticks”iri muri studio.

Yagize ati”Ntaho bihuriye n’urugo rwanjye kuko muri Nzeri yari iri muri Studio kandi twari tukiri kumwe,urebye niyo yari kubanziriza “Ikiryabarezi”avuga indirimbo yari aherutse gushyira hanze.

Hakizimana Amani uzwi nka Ama G The Black, ni umuraperi wakunzwe mu ndirimbo ‘Care’, ‘Uruhinja’ n’izindi,nyuma yo kunugwanugwa ko yaba atakibana n’umugore we,itangazamakuru ryaramwegereye nawe arihamiriza ko ari ukuri ubu ari kwibana munzu.

Yahamije ko hashize amezi ane atandukanye na RosineUmugore we gusa yirinze kuvuga mu buryo bweruye icyabaye intandaro yo gutandukana kwabo.

Ku rundi ruhande ariko hari ibyari bikomeje kuvugwa ko Ama G yaba afite undi mukobwa witwa Lily babana munzu ngo ashobora kuba yarasimbuje umugore we,ariko ibi nabyo arabigarama avuga ko ari inshuti ye bisanzwe.

PNG - 588.8 kb
Lily bivugwa ko Amag yamusimbuje Rosine

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X