Monaco cosmetics
Ahabanza  >>  Amakuru yose >> Imikino >> Hanze y’u Rwanda >> 

Real Madrid na Juventus nizo zizakina umukino wa nyuma UEFA Champions League

Mu mukino wo kwishyura wahuje ikipe ya Atletico Madrid yari yakiriye Real Madrid, bakayitsinda ibitego 2-1 muri UEFA Champions League. Isco yatsindiye Real Madrid igitego rukumbi cyayifashije kugabanya igitutu cy’abaturanyi muri uyu mukino, bituma bagera ku mukino wa nyuma basezereye Atletico Madrid ku bitego 4-2 mu mikino yombi.

Real Madrid yari yatsinze ibitego 3-0 mu mukino ubanza wabaye mu cyumweru gishize, yaje ifite icyizere cy’uko ntakabuza iza kugera ku mukino wa nyuma ku nshuro ya kabiri yikurikiranya.

Iki cyizere ariko ntabwo cyamaze igihe kinini, kuko byageze aho bikivanga n’ubwoba, aha hari ku munota wa 16 ubwo Atlettico Madrid yari imaze kwishyura ibitego 2 muri 3 yasabwaga (yari yatsinzwe).

Atletico Madrid yari mu rugo, yinjiye mu mukino neza, ihusha uburyo butandukanye, ariko bidatinze iza kububyaza umusaruro ku munota wa 12 gusa, ubwo koruneli yatewe na Koke, yashyirwaga ku mutwe na Saul Niguez wafunguye amazamu ya Real Madrid.

Bidatinze cyane, nyuma y’iminota ine gusa, Antoine Griezmann yaje gutsinda igitego cya kabiri kuri penaliti yabonetse ku munota wa 16, hari nyuma y’ikosa ryari rikozwe na Raphael Varane kuri Fernando Torres.

Habura iminota itatu ngo amakipe yombi ajye mu karuhuko, ku kazi gakomeye ka Karim Benzema, Isco yatsinze igitego cyatumye Atletico Madrid yongera gusabwa ibindi bitego bitatu, gusa birangira nta mpinduka zongeye kuba muri uyu mukino warangiye ari ibitego 2-1.

Kwinjiza igitego muri uyu mukino, bitumye Real Madrid igeze imikino 61 yikurikiranya, yinjizamo igitego, umuhingo inganya na Bayern Munich yo mu Budage, iyi yo yabikoze hagati ya Werurwe 2013 na Mata 2014. Real Madrid yatsinzemo ibitego 166 birimo 39 bya Cristiano Ronaldo, 20 bya Morata na 18 bya Karim Benzema.

Real Madrid ikaba igeze ku mukino wa nyuma wa UEFA Champions League ku nshuro ya 15, aho izahura na Juventus yo mu Butaliyani, iyi yo ikaba yaraezereye ikipe ya AS Monaco yo mu Bufaransa.

Uyu mukino wa nyuma uzabera i Cardiff kuri Millennium Stadium tariki ya 3 z’ukwezi gutaha kwa Gatandatu.

Bruce MUSHUMBA

Kanda hano udukurikire kuri Facebook na Twitter

Ibitekerezo

NIYONIRINGIYE Martin - 2/06/2017 saa 14:25

Ndifuzako Real yongera kugitwara tukandika amateka aatarakorwa nindi kipe kwisi kuko aringenzi mubuzima bwanjye kuko ariyo impa ibyishima kuruta ibindi bintu byose mubuzima bwanjye
Kanda hano umusubize

Rwaka Alistide - 30/05/2017 saa 16:39

Ndi Umufana Wa Real Madride Igikombe Nicyacu Peeee.
Kanda hano umusubize

tom - 2/06/2017 saa 20:11

NDAGUSHYIGIKIYE WANGU
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X