Monaco cosmetics

Igitsina cy’uwari umugabo wa nyina wa Kim Kardashian cyamuhesheje igihembo aherekezwa n’ibitutsi amagana

Nyuma y’uko uhahoze ari umugabo wa kabiri wa nyina wa Kim Kardashian (Caitlyn Jenne)[ubusanzwe wahoze witwa Bruce Jenner ahindurije igitsina akigira umugore,byaje kumuviramo gutsindira igihembo gikomeye nk’umuntu waharaniye uburenganzira bwe agahinduza igitsina,ariko kandi byanamuviriyemo gutukwa akandagazwa bikomeye ku cyemezo yafashe cyo gutakaza ubugabo bwe.

JPEG - 49.1 kb
Caitlyn Jenner watutswe bikomeye kugeza ubwo atewe ikintu mu maso azira kwihinduza igitsina

Ibi byabaye ubwo yari asohotse mu birori byo gutanga ibihembo ku batinganyi n’abihinduje igitsina, byabereye mu Bwongereza mu Mujyi wa London mu cyumweru gishize, aho yatutswe bikomeye n’umwe mu bafotozi bari hanze y’inyubako yabereyemo ibirori byo gutanga ibihembo bya LGBT Awards.

Ibinyamakuru bitandukanye byo mu Bwongereza, bivuga uyu mugabo wigize umugore, akimara kugabwaho igitero cy’amagambo amwandagaza inzego zishinzwe umutekano zahise zitangira gukurikirana uyu mufotozi kugira ngo abazwe impamvu yamuteye gutukana no kwitwara nabi mu ruhame.

Uretse gutukwa akanandagazwa, ngo ubwo Caitlyn Jenner yasohokaga mu nyubako ya Grand Connaught Rooms iri rwagati mu Mujyi wa London uyumufotozi ngo yakomeje kumugenda inyuma amuata amagambo mabi kugeza ubwo anamukubise ikintu mu maso.

Caitlyn Jenner yihinduje igitsina aba umugore muri Mata 2015, yanahise ava ku izina rya Bruce Jenner afata iry’abagore. Bikimenyekana ko ashaka kwihinduza umugore,byabanje gutungura abana be, birabatangaza ndetse biranababaza cyane ubwo yasohokaga mu kinyamakuru cya InTouch afite isura y’abagore, ariko nyuma baje kumva byifuzo bye ndetse baranamushyigikira.

Kendall na Kylie Jenner nibo bana Bruce Jenner[Caitlyn ] yabyaranye na nyina wa Kim Kardashian "Kristen Mary Jenner" mbere yo gutandukana kuri ubu akaba yarahawe uburenganzira bwe bwo gukora ibyo ashaka.


Bruce Jenner na nyina wa ba Kardashian batandukanye muri 2013 gusa muri Nzeri 2016 bari bagishakisha impapuro zibemerera kubona gatanya buri wese agaca inzira ze.

Muri ibi bihembo, Caitlyn Jenner yatahanye igikomeye nk’umugabo wihinduje igitsina agahinduka umugore ndetse akemera kubitangaza mu buryo bweruye.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X