Monaco cosmetics
Ahabanza  >>  Amakuru yose >> Imikino >> Mu Rwanda >> 

Gutsindwa umusubirizo bishobora gutuma Kirehe Fc yisanga mu cyiciro cya kabiri

Kirehe Fc imwe mu makipe akomeje gutsindwa bya hato na hato bikomeje gutuma ikizere cyo gukomeza mu kiciro cya mbere kiyoyoka,ibi bikaba byasembuwe n’ikipe y’Amagaju Fc imaze kuyitsindira i Nyamagabe kuri uyu wa mbere.


Mu mukino w’umunsi wa 28 wa shampiyona wahuzaga ikipe y’Amagaju FC na Kirehe FC i Nyamagabe, warangiye ikipe yo mu majyepfo itsinze Kirehe ibitego 2-1, iyishyira mu makipe ashobora kumanuka mu cyiciro cya kabiri.

Kirehe FC yaje gukina uyu mukino isabwa gutsinda kugira ngo igende itera umugongo umurongo utukura, yafunguye amazamu hakiri kare ku gitego cya Nizigiyimana Junior, ariko ntacyo byayifashije imbere y’Amagaju yari mu rugo kuko yaje kubona ibitego byayihesheje intsinzi binyuze kuri Ndizeye Innocent na Habimana Hassan ’Pappy’.

Gutsinda uyu mukino bikaba bishyize Amagaju FC ku mwanya wa 10 n’amanota 32 mu gihe Kirehe FC ifite amanota 28 ku mwanya wa 12, inota rimwe imbere ya Marines FC ya 13, amanota 2 imbere ya Kiyovu Sports ya 14 n’amanota 4 imbere ya Gicumbi FC ya 15.

Gicumbi FC na Kiyovu SC zo zirakina imikino yazo y’umunsi wa 28 kuri uyu wa Kabiri, aho Gicumbi FC irakira Musanze FC naho Kiyovu Sports ihure na AS Kigali.

Imikino isigaye ku makipe 4 ashobora kuvamo ikipe imanukana na Pepiniere FC:

Mu mikino isigaye; Kirehe FC izakira Gicumbi FC mbere yo gusoza shampiyona berekeza i Huye gukina na Mukura Victory Sports.

Kuri Marines FC, tariki ya 26 Gicurasi, bazakira Kiyovu Sports kuri Stade Umuganda mu gihe ku ya 15 Kamena bazasura Police FC kuri Stade ya Kicukiro.

Kiyovu Sports yo irakina na AS Kigali kuri uyu wa Kabiri, izakurikizaho gusura Marines tariki ya 26 mu gihe bazasoreza kuri Rayon Sports tariki ya 15 Kamena 2017, bayakira.

Gicumbi FC isigaje umukino izahuramo na Musanze FC kuri uyu wa Kabiri, igasura Kirehe FC mu mukino utaha mu gihe bazasoza shampiyona bakira ikipe ya Pepiniere FC.

Andi makipe atarizera ko azaguma mu cyiciro cya mbere ni Sunrise FC ya 11 n’amanota 30, Mukura Victory Sports n’Amagaju FC zifite amanota 32 ku mwanya wa 9 n’uwa 10.

Ndacyayisenga Fred

Kanda hano udukurikire kuri Facebook na Twitter

Ibitekerezo

TWAHIRWA Claude - 24/05/2017 saa 10:11

kirehe irasabwa nibura kutongera gutsindwa match muzisigaye.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X