Monaco cosmetics
Ahabanza  >>  Amakuru yose >> Imikino >> Hanze y’u Rwanda >> 

Manchester United yegukanye bwa mbere igikombe cya Europa League

Umukino wa nyuma w’irushanwa rya Europa League wahuzaga Manchester United na Ajax kuri uyu wa Gatatu kuri Friends Arena, i Stockholm muri Sweden, Manchester United yatwaye iki gikombe itsinze Ajax ibitego 2-0.

Ajax yihariye igice kinini cy’uyu mukino wa nyuma gusa uburyo bwa Bertrand Tarore ku munota wa 14, umupira yawuteye mu biganza bya Sergio Romeru, ariko akaza gukosorwa na Paul Pogba ku munota wa 18, ubwo uyu yahabwaga umupira na Marouane Fellaini, atera ishoti rikomeye mu izamu, iri ryakoze ku kirenge cya myugariro Sanchez, maze umupira uhindura icyerekezo, ujya aho umunyezamu Onana yari ashinguye ikirenge, ubundi uruhukira mu rushundura bose bawubona.
Abakinnyi bakiri bato b’iyi kipe yo mu Buholandi bakomeje kwiharira umukino mu kibuga hagati, babona amahirwe atandukanye bari kubyaza umusaruro, kwinjira mu rubuga rw’amahina no kubyaza umusaruro imipira ya nyuma bikaba ikibazo.

Ku munota wa 32, Antonio Valencia wari uyoboye bagenzi be mu kibuga nyuma yo kudakina kwa Wayne Rooney na Michael Carrick babanje hanze, yazamukanye umupira, afata icyemezo cyo kuwiterera mu izamu, ariko ukurwamo na Onana.

Abasore b’umutoza Peter Bosz wa Ajax ntibahiriwe n’iminota ya mbere y’igice cya kabiri, kuko ku munota wa 47 gusa, kuri koruneli yatewe na Juan Mata, Chris Smalling yashyizeho umutwe, umupira widunda imbere ya Mkhitaryan wawuteranye Joel Veltman maze niko kurenga kuri Andre Onana, 2-0, aha byasaga n’ibirangiye.

Mu minota yari isigaye y’umukino, uburyo bwabonetse ni umupira wahinduwe na Paul Pogba ku mutwe wa Fellaini, ariko Andre Onana abyitwaramo neza mu gihe n’umunyezamu Sergio Romero yakuyemo umupira wa Donny van de Beek winjiye asimbuye muri uyu mukino Ajax yatakajemo igikombe itsinzwe ibitego 2-0.

Manchester United ikaba yegukanye igikombe cya mbere yca Europa League mu mateka yayo, icyi cyije kiyongera kuri UEFA Champions League 3 na European Winners Cu 1.

Iyi kipe kandi ibaye iya gatanu ibashije gutwara ibikombe bitatu by’iburayi muri aya marushanwa atandukanye, inyuma ya Chelsea, Juventus de Turin, Ajax na Bayern Munich.

Manchester United yasoje ku mwanya wa gatandatu muri shampiyona y’u Bwongereza, ikanatwara League Cup y’uyu mwaka, izakina UEFA Champions League y’umwaka utaha (Kubera ko yegukanye Europa League) yiyongereye kuri Chelsea, Tottenham na Manchester City mu gihe Liverpool izaca mu majonjora yayo.

Bruce MUSHUMBA

Kanda hano udukurikire kuri Facebook na Twitter

Ibitekerezo

flodouard - 27/05/2017 saa 04:52

Man U oyeeeeeeeer
Kanda hano umusubize

flodouard - 27/05/2017 saa 04:52

Man U oyeeeeeeeer
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X