Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

David Bayingana yatanze inama ku byakorwa ngo Guma Guma irusheho kuryohera abakunda umuziki

David Bayingana umenyerewe mu itangazamakuru ku birebana n’umuziki na Sport, ashima aho Guma Guma igeze iteza abahanzi imbere ariko kandi yagaragaje ko abona abahanzi bagiye bongererwa igihembo byarushaho kugenda neza.

Aganira n’itangazamakuru,Bayingana yavuze ko abahanzi batoranywa mu kwitabira iri rushanwa kuva bahabwa igihembo cyatangwaga mu irushanwa rya PGGSS hambere kitiyongera kandi hari byinshi bigenda bizamura ibiciro ugereranyije n’icyo gihe bishobora kubabera imbogamizi, bityo agasanga abategura iri rushanwa bakwiye kubyigaho maze umuziki ukazamura urwego n’ubundi wari umaze kugeraho dore ko abagiye batsinda bagiye barushaho kwiteza imbere mu buryo bw’ibifatika n’umuziki muri rusange.

Ibi abitangaje nyuma y’uko nawe ari mu byamamare byari byitabiriye igitaramo cya kabiri cya PGGSS7 cyabereye mu karere ka Gicumbi kuri uyu wa Gatandatu taliki 27 Gicurasi 2017,maze akitegereza urujya n’uruza rw’abakitabiriye ndetse no kwihera ijisho uko abahanzi bitwara ku rubyiniro.

Aha niho ahera ashima imikorere y’umuhanzi Social Mula na Devis D aho abagarukaho agashima uburyo bitwaye kandi ari bashya muri iri rushanwa, bitandukanye n’ibya bamwe muri bagenzi babo barimazemo igihe.

Ni mu gihe muri Primus Guma Guma Super Star ya gatandatu (PGGSS6),abinyujije ku rukuta rwa Instagram yari ashyigikiye umuhanzikazi Allioni mu kuba yamutera ingabo mu bitugu gusa irushanwa ryaje kwegukanwa n’itsinda rya Urban Boyz.

Usibye kuba akunda umuziki, Bayingana David,ni umu Dj,Mc akaba yaranakoze ibiganiro bitandukanye bivuga ku muziki cyane cyane ubwo yakoraga ikiganiro cyitwaga Star Forum.

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X