Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Nyuma ya Gicumbi PGGSS7 ikomereje mu karere ka Ngoma

Nyuma y’ibitaromo bibiri by’irushanwa rya PGGSS7 bimaze kubera mu karere ka Huye n’ak’i Gicumbi, kuri uyu wa gatandatu taliki 03 Kamena 2017 biteganyijwe ko abahanzi bari muri iri rushanwa bazataramira mu karere ka Ngoma, nkuko bisanzwe ku isaha ya saa 13h.

Nyuma y’igitaramo cyabere i Huye ku wa 20 Gicurasi 2017 n’igiherutse kubera i Gicumbi ku wa gatandatu ushize taliki 27 , kuri ubu hatahiwe mu karere ka Ngoma niho Primus Guma Guma Super Star yerekeje.

Nk’uko byagiye bigarukwaho n’abahanzi batandukanye mu kiganiro n’itangazamakuru bashimangiye ko igitaramo bazakorera muri aka karere kizaba kirenze kubyo baherutse gukorera i Huye n’i Gicumbi kuko bamaze gukora imyitozo ihagije.

Ni igitaramo cya gatatu cy’iri rushanwa ku nshuro yaryo ya 7,aho aba bahanzi bacurangirwa n’ abana barangije umuziki ku ishuri rya muzika ryo ku nyundo ,nyuma yo guhigika band yari isanzwe icuranga mu bitaramo bikomeye birimo na East African Party.

Tubibutse ko abahanzi 10 bahanganye muri iri rushanwa ari,Bull Dogg, Danny Nanone, Christopher, Social Mula, Davis D, Mico The Best, Dream Boys, Active, Oda Paccy na Queen Cha.

Uko aba basore n’inkumi bazaba bahanganye ku rubyiniro haba harebwa uko buri muhanzi yitwara agahabwa amanota, hamwe n’ibyo imirasire.com ikaba izakibakurikiranira mu kagikurikirana uko kiri kuba(Live).

Guma Guma niryo rushanwa riyoboye ayandi mu Rwanda haba mu bihembo bitangwa ndetse no gukundwa iyo rigeze mugihe cyo kuba rivugisha abantu batari bacye bamwe bavuga uwo baha amahirwe haba ku bagendera ku marangamutima yabo ndetse nabasobanukiwe umuziki Nyarwanda muri rusange.

JPEG - 93.6 kb
Dore uko ingengabihe y’iri rushanwa ihagaze kugeza risojwe

Gusa kuri ubu uko abahanzi barushanwa biragoye kwemeza uko bakurikirana ku rutonde mu bamaze kwanikira abandi bitewe n’uko ibitaramo bikirimbanyije icyakora hari bamwe mu bahanzi bamaze kwigaragaza cyane ugereranyije na bagenzi babo gusa akanama nkemurampaka n’abafana bitabira gutora abo bahanzi nibo bazarushaho kugaragaza igisubizo gihamye ku muhanzi witwara neza.

Bruce Mushumba

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X