Monaco cosmetics
Ahabanza  >>  Amakuru yose >> Amakuru mashya >> Mu Rwanda >> 

Uturere 12 tugiye guhabwa inka 6000 muri gahunda ya Girinka

Ubuyobozi bw’umushinga ugamije guteza imbere ubworozi bw’inka zitanga umukamo, buratangaza ko bugiye gutanga inka ibihumbi 6 mu turere 12 uyu mushinga uzakoreramo.

Dr Ngarambe Michel, umukozi wa Minisiteri y’ubuhinzi n’ubworozi ukurikirana ibikorwa by’uyu mushinga ugamije guteza imbere ubworozi bw’inka zitanga amata (RDDP), avuga ko buri karere mu two bazakoreramo kazabona inka zigera kuri 500, mu rwego rwo kongera umukamo w’amata no guteza imbere imitunganyirize yayo.

Yagize ati “Tuzakurikiza gahunda ya Girinka yari isanzwe iriho, kuko inka zizagera ku bantu basanzwe bahora biteguye kandi barateguwe n’inzego z’ibanze, ni bo tuzakorana mu rwego rwo kubona abagenerwabikorwa b’iyi gahunda.

Turifuza ko umusaruro ukomoka ku mata wakwiyongera, turifuza ko izi nka ziza zije kongera imbaraga mu kuzamura amata n’ibiyakomokaho kandi tuzakomeza kubikurukirana kuko tuzashyiraho abakozi bahoraho bafasha mu kugenzura iyi gahunda, binatworohere mu gukora n’akazi gasanzwe ko kugenzura ubu bworozi mu buryo bujyanye n’igihe.”

Kalisa Edouard, umukozi w’akarere ka Rubavu ushinzwe ubworozi, avuga ko iyi gahunda nitangira izagira akamaro mu rwego rwo kuzamura ubukungu n’imibereho myiza y’abaturage.

Aganira n’Itangazamakuru yagize ati “Abagiye bahabwa inka muri Gahunda ya Girinka byagiye bibazamurira ubuzima babona amata, babona ifumbire barahinga ku buryo iyo ubagezeho ubona byarahinduye ubuzima bwabo.”

Mwanakuze Agnes, umwe mu baturage batishoboye batuye mu murenge wa Busasamana, avuga ko iyi gahunda nikorwa neza bizabafasha kurushaho kwiteza imbere, dore ko ngo banakeneye cyane ifumbire ibafasha kuzamura umusaruro w’ubuhinzi ndetse n’amata yo kunywa no kugurisha kugira ngo babone amafaranga.

Yagize ati “Gahunda ya Girinka yaradufashije n’ubwo itaragera ku bantu bose bujuje ibisabwa ngo bayihabwe, iyi gahunda izongera umubare w’abatunzi kandi buriya zizaza zitanga umukamo ufatika mwiza ku buryo bizadufasha, iyi gahunda iziye igihe.”

Girinka ni imwe muri gahunda Leta y’u Rwanda yashyizeho hagamijwe kurandura ubukene, ubuhamya bwa bamwe mu baturage bahawe inka mbere bukaba bugaragaza ko zimaze kubateza imbere ku buryo bufatika, ibi bigatanga icyizere ko ubwo iyi gahunda izaba yageze ku batishoboye bose, ubukene bushobora kuzaba amateka mu Rwanda.

Bruce MUSHUMBA

Kanda hano udukurikire kuri Facebook na Twitter

Ibitekerezo

- 7/06/2017 saa 19:15

ahaaa muriyi gahunda ndayishimye arko haraho hakiri ikandamizwa aho zihabwa abishoboye abatishoboye bagasigara
Kanda hano umusubize

gigi - 6/06/2017 saa 13:07

izinka noneho abayobozi zirasiga muburoko ntiwababara
Kanda hano umusubize

Bosco - 4/06/2017 saa 21:46

Njyewe muzampe inka 1000 nzibagurire mugihe kitarenze amezi (3 ) nzaba nzigejeje kubazigenewe murakoze. Tel +250788346270
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X