Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

City Maid:Menya byinshi kuri Gatari wasabitswe n’ibibazo agatabwa n’umugore wiyiziye i Kigali amusize mu cyaro

Niyomungeri Jules, ni umusore ugaragara muri Filme y’uruhererekane yitwa City Maid imaze kubaka izina mu Rwanda agakina yitwa Gatari ari umugabo wasabitswe n’ibibazo maze umugore we witwa Nikuze akamucika akaza mu mujyi wa Kigali maze nawe akaza kumuhiga.

JPEG - 44.6 kb
Niyomungeri Jules (Gatari)

Mu gihe amaze akina muri iyi filme rero usanga abantu benshi bifuza kureba agace yakinnyemo kuko kaba gateye amatsiko bifuza kumenya uko bizagenda mu bice bikurikiyeho ndetse no kumenya ubuzima bwe bwaburi munsi.

Ibi rero byatumye tuganira n’uyu musore atubwira byinshi ku bimwerekeyeho ndetse anagira ibyo asaba leta y’u Rwanda ndetse n’abafana be muri rusange.

Niyomungeri Jules (Gatari) yavuze ko ubusanzwe yatangiye gukina Filme mu mwaka wa 2012,icyabimuteye akaba ari uko yabyiyumvagamo bikaza gusemburwa n’abakinnyi ba filme yakundaga barimo nka Skott Adkins,Sylvester Stallone…bikaza kumutera imbaraga zo kuyoboka Cinema.

Muri Filme City Maid ikunze kunyura kuri RTV mu bihe bitandukanye, ubusanzwe ajya kuyikinamo ngo yahamagawe n’ikipe ishinzwe kuyitegura akora igeragezwa araritsinda maze babona hari role yashoboraga gukina uko byifuzwaga.

JPEG - 37.5 kb
Gatari ibumos0,Nick hagati,na Nikuze ariwe mugore we babanaga mu cyaro

Yagize ati” Ok ninjiyemo nahamagawe na team techniques imbwira ko babona hari roles nashobora gukina ko banyifuza, nanjye ndaza nyura muri casting bambwira ko umukinnyi bashakaga ari njyewe, ibyo bamushakagaho ko byose mbyujuje nuko ninjiye muri city maid.”

Ku ruhande rw’akamaro filme imufitiye ngo ni kenshi kuko bimaze gutuma amenyana na benshi bikanamwongerera ubushobozi bitewe n’uko abikora nk’akazi.

Ati”Gukina filme hari byinshi ndi kubikuramo,ni connection ngenda mbona kubantu batandukanye ikindi ni ubushobozi kuko mbikora nk’akazi muri macye ndikugenda ngera kunzozi zanjye nifuje kuva cyera.”

Naho ibyerekeye abakinnyi ba filme nyarwanda akunda,yashimangiye ko bose abakunda cyane kandi abemera , ariko ku giti cye umukinnyi wo bakinana muri iyi filme uzwi ku izina rya Mama Ben amubonamo ubuhanga bwihariye mu gihe bari gukinana.

Gatari ntateganya kuva muri Cinema kuko ikimuraje ishinga ngo ni ukuba umunyamwuga (professional) agakina filme no hanze y’u Rwanda kuko inzozi ze ari ukuzagaragara muri Cinema nyamerika (Hollywood).

Niyomugabo Jules ni ingaragu afite imyaka 26 y’amavuko,yavukiye ahahoze hitwa ku Kibuye, avuka mu bana 8 akaba ari umuhererezi, kuri ubu akaba abarizwa mu mujyi wa Kigali.

Usibye kuba yaragaragaye muri City maid na Saruhara rwankomokomo ,ubusanzwe uyu musore ni umutekinisiye iyo bibaye ngombwa, kuko yize ibyerekeye Filmmakinga na Tv production ndetse no kuyobora film muri rusange.

Arasaba abakunzi be ko bamuba hafi bagashyigikira ibyo akora kuko atabigeraho wenyine ariko kandi akanasaba leta ko yabavuganira ikagira ingengo y’imari yashyirwa mu buhanzi kuko iricyo cyatuma batera imbere.

Ikindi ngo ni uko yifuza ko hafatwa ingamba mu kurwanya pilatage kuko ni kimwe mu bituma cinema nyarwanda idatera imbere.

Ndacyayisenga Fred

Kanda hano udukurikire kuri Facebook na Twitter

Ibitekerezo

- 15/10/2017 saa 05:19

gata uransetsa cyane Gs courage
Kanda hano umusubize

- 15/10/2017 saa 05:19

gata uransetsa cyane Gs courage
Kanda hano umusubize

fofo - 17/06/2017 saa 05:38

Courage turagushyigikiye musore mwiza uzi nogukira cyane turakwemera
Kanda hano umusubize

- 13/06/2017 saa 06:45

ramba muhungu wacu
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X