Monaco cosmetics
Ahabanza  >>  Amakuru yose >> Imikino >> Hanze y’u Rwanda >> 

Golden State Warriors yatsinze Cleveland Cavaliers itwara NBA ya 2017

Bisabye imikino 5 yonyine ikipe ya Golden State Warriors yisubiza igikombe cya NBA ya 2017, itsinze umukeba w’ibihe byose Cleveland Cavaliers, yari yabatsindiye ku mukino wa nyuma umwaka ushize.

Uyu mukino wa 5 wabereye kuri Oracle Arena ya Golden State Warriors, wari witabiriwe n’ibyamamare byinshi biturutse hirya no hino ku isi, aho kwinjira ku muntu umwe yari $ 67 000.

JPEG - 59.3 kb
GS Warriors yegukanye NBA ya 2017

Uyu mukino wagoye cyane iyi kipe ya GS Warriors warangiye itsinze amanota 129 ku i 120 y’ikipe ya Cleveland Cavaliers.

Golden State yari yatsinzwe umwaka ushize na CAVS nyamara yari yatangiye neza, ikabasha gutsinda imikino 3-1, ntabwo uyu mwaka yongeye gukora ikosa.

Imikino 3 ibanza yatsinzwe n’ikipe ya Golden State Warriors, ikipe ya CAVS itsinda umukino wa 4.

Kevin Durant yatsinze amanota 30 muri buri mukino yakinnye uyu mwaka muri final za NBA, aba umukinnyi wa 6 ukoze aya mateka muri NBA. Uyu mukino wa 5, uyu mugabo Durant yatsinze amanota 39, birangira anatowe nk’umukinnyi mwiza wahize abandi uyu mwaka mu mikino ya nyuma ya NBA.

JPEG - 47.9 kb
Kevin Durant yatowe nk’umukinnyi wahize abandi

Bruce MUSHUMBA

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X