Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Dore uko Diamond yishimiwe imbere y’abafana i Nyamata,naho Morgan Hertage irijujutirwa-AMAFOTO

Mu gitaramo Diamond Platnums yakoreye mu karere ka Bugesera mu mujyi wa Nyamata kuri iki cyumweru taliki 02 Nyakanga 2017,yishimiwe n’abafana bikomeye naho itsinda rya Morgan Hertage ryijujutirwa n’abafana kugeza ubwo bamwe bafashe icyemezo cyo kwitemberera hafi aho bakagaruka ari uko uyu muhanzi ageze ku rubyiniro.

JPEG - 369 kb
Abafana bari urujya n’uruza

Kuva saa moya n’igice kugeza saa mbiri n’igice aba-Dj batandukanye bari bari kuvanga imiziki yiganjemo iyo muri Tanzania , u Rwanda , Nigeria na Amerika.

Dj Pius niwe muhanzi wabimburiye abandi ku rubyiniro ahagana saa mbiri n’igice , uyu muhanzi usigaye ukora umuziki ku giti cye nyuma y’isenyuka ry’itsinda Two4Real yahozemo , yaririmbye indirimbo ze zirimo iyitwa agatako , play it again n’izindi ariko wabonaga abafana batarashyuha.

JPEG - 293.3 kb
Dj Pius yaririmbaga ijwi ntirirenge umutaru bitewe n’ibyuma byari bitaranonosorwa

Hakurikiyeho itsinda rya Charly na Nina , mu ndirimbo zabo zirimo agatege n’indoro abafana babafashaga kuziririmba . Yvan Buravan niwe wakurikiyeho , uyu musore ukiri muto ariko ufite impano idashidikanywaho yagaragaje ubuhanga mu miririmbire binyura benshi biganjemo ab’igitsina gore.

JPEG - 273.1 kb
itsinda rya Charly na Nina nabo ibyuma byabatengushye

Nyuma ya Buravan hakurikiyeho abahanzi bo hanze y’u Rwanda , habanje Chege wo muri Tanzania aririmba mu buryo bwa Playback hiyongeraho itsinda rya Morgan Hertage ritishimiwe maze mu masasaba n’iminota mike irengaho icyamamare Diamond aza ku rubyiniro abafana bajya ibicu.

JPEG - 273.5 kb
Ivan Buravani yagoragoje abona arahikuye
JPEG - 195.7 kb
Chege yari amaze igihe atigaragaza
JPEG - 336.6 kb
Umuhanzikazi Vanessa we yaririmbye yambaye agakabutura kagaragaza amabuno
JPEG - 286.9 kb
itsinda rya Morgan Hertage ntiryishimiwe n’abafana
JPEG - 303.7 kb
saa saba zirengaho mike nibwo Diamond yari ageze ku rubyiniro
JPEG - 247 kb
agitangira kuririmba abari batangiye gusinzira bahise bakanguka




Diamond yageze I Kigali mu ijoro ryo ku wa kane tariki ya 29 kamena 2017 , Bucyeye bwaho yakoranye ikiganiro n’itangazamakuru ahita yerekeza I Goma muri Repubulika iharanira Demokarasi ya Congo aho yataramiye tariki ya 1 nyakanga ahita agaruka mu Rwanda.

Kanda hano udukurikire kuri Facebook na Twitter

Ibitekerezo

denyse - 7/07/2017 saa 06:01

Ivan nuwambere kbs
Kanda hano umusubize

Twin Yeah - 3/07/2017 saa 16:30

Kuva na kera Abanyafrika bararirimba bakabyina! Abazungu n,ibyo bisome byabo biba iyo wapi! Ni yo mpamvu rero ntimubaririze.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X