Monaco cosmetics
Ahabanza  >>  Amakuru yose >> Imyidagaduro >> Hanze y’u Rwanda >> 

Jay Z, Michael Jackson na Bill Clinton mu bayoboke 25 ba Illuminatti (Igice cya 4 + amafoto)

Ikinyamakuru ranker.com cyashyize ahagaragara urutonde rw’ibyamamare bikorana na Illuminatti, rukaba rugaragaramo abahoze ari abaperezida hirya no hino ku isi, abacuruzi ndetse n’ibyamamare muri muzika no kumurika imideli.

Ubusanzwe wumvaga abantu bavuga ngo runaka aba muri Illuminati bashingiye ku bimenyetso bigaragara akora mu ruhame cyangwa ku mafoto akoresha ku mbuga nkoranyambaga.

Nyamara abenshi burya ntibaba bari muri uyu muryango uvugwaho gukorana bya hafi na shitani, ahubwo baba bashaka kuririra kuri ibi bimenyetso bya Illuminati ngo barusheho kumenyeka.

Muri rusange urutonde rw’ibyamamare bivugwaho gukorana na Illuminati mu nzego zitandukanye, abenshi muri bo bapfuye urupfu rw’amayobera ubwo bamenaga amabanga yayo cyangwa se bashatse kuyivamo, abandi baracyariho bari mu myanya yabo.

Aba tugiye kubagezaho ni abandi batanu biyongera kuri 15 tumaze kubagezaho muri rusange.

Jay-Z

Jay-Z yitanze atizigamye, ubuzima bwe bwose abuharira Illuminatti ndetse agashishikariza abafana be bose kugana uyu muryango.

Uretse kuba aho ari hose avuga Illuminatti ndetse akanabigaragaza mu bimenyetso bye byose, uyu mugabo asaba abafana be bose kuyoboka uyu muryango w’umwijima. Ikinyamakuru ranker.com kivuga ko uruganda rwe rw’imyenda rwa Rocawear yaruhawe na Illuminati.

Uyu mugabo bivugwa ko ari we winjije umugore we Beyonce Knowles n’umuhanzi Rihanna.

Jay Z w’imyaka 47 yavukiye mu mujyi wa New York muri leta ya New York ho muri Leta Zunze ubumwe za Amerika.

Atunganya indirimbo, akaba umwanditsi w’indirimbo, umuraperi, rwiyemezamirimo ndetse akaba anatunganya filimi.

Michael Jackson

Michael Jackson yayobotse Illuminati bigaragazwa n’amashusho akora mu ndirimbo ze cyane cyane iyiswe Dangerous yanashyize ku gifuniko cya Album yitiriye iyi ndirimbo.

Kuba yarakunzwe cyane ndetse akaba icyamamare Illuminatti yabigizemo uruhare. Gusa ubuzima bw’iki cyamamare bwarangiye nabi ubwo yamenaga amabanga ya Illuminatti agatangaza ko yitandukanyije na yo yahise yicwa atewe urushinge rw’ingusho n’umuganga wari ushinzwe kumuvura.

Yapfuye afite inyaka 51 kuko yavutse mu 1958 apfa mu 2009, akaba yaravukiye i Gary muri leta ya Indiana muri Leta Zunze ubumwe za Amerika.

Yari umuhanga mu gutegura filimi, umuhanga mu kubika amajwi, umunyamuziki ndetse n’umuntu utunganya filimi.

Joseph Stalin


Uyu yabaye Umutegetsi w’Umunyagitugu mu Burusiya, bikavugwa ko gukoresha igitugu yabitegekwaga n’umuryango wa Illuminatti yari yaragiyemo, ndetse ko ari na wo wamuhaye ububasha bwo gutegeka icyo gihugu.

Stalin yapfuye afite imyaka 75 kuko yavutse mu 1871 agapfa mu 1953. Yavukiye i Gori mu mujyi wa Georgia mu Burusiya, akaba yari umusirikare ndetse n’umunyapolitiki.

Bill Clinton

Clinton yafotowe inshuro nyinshi yamamaza Illuminatti akoresheje ibimenyetso byayo. Byakunze guhwihwiswa ko ari ikivejuru cya Illuminati, ubundi bikavugwa ko yoherejwe n’umuryango wa Rockefellers uvugwaho ko ari wo uyoboye Illuminatti.

Uyu musaza w’imyaka 72 yavukiye i Hope muri Leta ya Arkansas, muri Leta Zunze Ubumwe za Amerika, akaba umunyapolitiki, umunyamategeko Umwanditsi w’ibitabo ndetse n’umwarimu.

Ronald Reagan

Ronald Reagan na we yafotowe inshuro nyinshi agaragaza gukorana na Illuminati mu bimenyetso byayo. Ronald Reagan yifashishije umwanya afite ubwo yari Perezida yagerageje kwamamaza Illuminatti ndetse agashyira mu bikorwa ibyo Illuminati yabaga ikeneye mu buyobozi bw’igihugu.

Ronald Reagan yapfuye afite imyaka 93 kuko yavutse mu 1911 apfa mu 2004. Yavukiye i Tampico muri leta ya Illinois muri Leta Zunze ubumwe za Amerika.
Yari umuhanga mu kuvuga mu ruhame, umunyapolitiki, umusirikare ndetse n’umunyamakuru wa Radio.

Umuryango Illuminatti washinzwe na Adam Weishaupt mu 1776 muri Bavaria ushingirwa mu nzu y’abantu bavugwaho kugira ibitekerezo biri hejuru y’iby’abandi baje gukora ikigo cyiswe Freemasons.

Nyuma y’imyaka mike iki kigo cyaje kuvamo umuryango Illuminatti ukora mu buryo bw’ibanga rikomeye cyane. Bakaba bagamije guhindura isi ikagendera ku bitekerezo byabo ari nako bivugana abashatse gusohoka muri uyu muryango cyangwa bashatse kumena amabanga yawo.

Uru rutonde ruracyakomeza.

Nkindi Alpha

Kanda hano udukurikire kuri Facebook na Twitter

Ibitekerezo

iradukunda honore - 2/08/2017 saa 13:02

mutugezaho am meza kbx
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X