Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Ibizongamubiri bya Aime Uwimana byatumye Pastor P amara iminsi ibiri adakora indirimbo

Bugingo Patrick uzwi nka Pastor P yasobanuye ko akimara kumenya gutunganya umuziki yigeze kumara iminsi ibiri yananiwe gukora indirimbo za Aimée Uwimana bitewe n’uko yamufataga nk’icyamamare icyo gihe, kandi bikaba ari ubwa mbere bari bakoranye igihe kinini.

JPEG - 146.9 kb
Pastor P yanezejwe no gukorana na Aimée bwa mbere

Uyu muhanzi unatunganya indirimbo aganira n’umunyamakuru mu kiganiro ’Ni Nyampinga’ gikunda kunyura kuri C Fm mu mpera z’icyumweru, yavuze ko icyamushimishije mu muziki, ari igihe yakoraga Umuzingo w’indirimbo (album) za Aimée Uwimana yitwa ’Ninjiye ahera cyane’.

Icyo gihe ngo yumvaga ari ibintu bidasanzwe, kuko uyu muririmbyi yari afite izina riremereye mu ruhando rw’indirimbo zaririmbiwe Imana.

JPEG - 108.6 kb
Aimée Uwimana

Aha byatumye ashimira umuhanzi Esra Kwizera wamuhaye inzu itunganyirizwamo amajwi (Studio) akanamushakira umwigisha gukora indirimbo kuko ari byo byamubereye ikiraro cyamuhuje na Aimée nk’icyamamare yakundaga.

Gusa mbere yo kwicara muri ’studio’ ngo yari yaramaze kumenya gukoresha bimwe mu bikoresho byo mu muziki bitewe n’uko yakuriye mu nsengero afasha amakorari atandukanye mu miririmbire.

Icyakora ngo atangira umuziki nyirizina iwabo ntibabyishimiye, ariko gahoro gahoro uko arushaho kubimenya ni ko bamwe mu muryango we bagiye bigarura bagenda bamwemera kugeza ubwo abaye icyamamare.

Aha rero ni ho yitanzeho urugero ku gituma abakobwa badakunze kwitabira gutunganya umuziki, kuko ababyeyi babo batabifata neza, bamwe bakavuga ko bagiye kuba ibirara, bityo ibyari inzozi z’abakunda umuziki zikarangirira aho.

Bamwe mu bana biga umuziki ku ishuri ryo kunyundo ubwo basuraga uyu musore bamubajije igisabwa ngo umuntu abe yamenya gutunganya umuziki, abasubiza ko bisaba kuba bafite amatwi abasha kumva neza kandi bakirinda ubunebwe, kuko na we ngo ni yo ntwaro yakoresheje.

Pastor P azwi cyane mu gukora indirimbo z’umuhanzi King James, Danny Vumbi ikizakubwira indirimbo yakoze ziba zitangizwa n’akarango kagira kati "Pastor P respect man".

Ndacyayisenga Fred

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X