Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Amakuru avuga ko Young Grace yaba agiye kurongorwa na Sintex yabaye kimomo

Umuhanzi Sintex wamenyekanye cyane mu ndirimbo nka Nta by’ubuntu, Nzakubona, Why n’izindi zitandukanye, ubu ngo yaba yamaze gushyira muri gahunda ibyo kubana na Young Grace.


Ni nyuma y’uko uyu musore Sintex akorana indirimbo na Young Grace yitwa “Ikofi yanjye”, yaje no gutangaza benshi bibaza cyane ku magambo ayirimo, nyuma bakaza guhamya ko ibyavugwaga mu ndirimbo byaba ari ukuri bamaze kumenya ko baba bari mu rukundo.

Mu kiganiro Sintex yagiranye na Imirasire, yavuze ko mu by’ukuri Young Grace badakundana, gusa ngo amufata nka mushiki we, ariko nyuma aza kuvuga ko yishimira cyane uburyo abana neza n’abandi kandi ngo ashimishwa cyane no kuba ari inshuti ye yo mu buzima busanzwe.

Young Grace we avuga ko nta rukundo ruri hagati yabo, ariko na we avuga ko n’ubwo yanakundana na Sintex nta kibazo cyaba kibirimo kuko abona ari umusore witonda kandi uzi ibyo akora.

Nyamara n’ubwo aba bombi bakomeje gusa n’aho babihakana, bagenda berekana akantu gato kerekana ukuri kw’ibivugwa, ariko bo badashaka ko kujya ahagaragara.

Sintex yongeye kuvuga ku bijyanye n’umuziki we avuga ko kuri ubu ashaka gukorana bya hafi na Company yitwa Art N ihagarariwe na Arthur Rutura wamenyekanye cyane nk’umunyamakuru wa Kiss FM, ubu ngo akaba ari we ushaka kuba umujyanama we mu by’umuziki mu buryo bwo kugirango abashe kubamamariza ibikorwa by’iyi Campany.

Amakuru dukesha uyu muhanzi kandi avuga ko ashaka gukora ibikorwa birenze ibyo, aho ashaka gukorana n’abahanzi batandukanye kandi bakomeye mu Rwanda ndetse no hanze yarwo. Muri abo bahanzi yavuze nka Sheebah Karungi, Good Life yo muri Uganda, n’aho mu Rwanda akaba ashaka kuzakorana n’abantu benshi.

Yanasabye abanyarwanda muri rusange kwitegura Video y’indirimbo ikofi yanjye ari kumwe na Young Grace, ari na yo yatumye urukundo rwabo rukomera.

Emmanuel Habiyakare.

Kanda hano udukurikire kuri Facebook na Twitter

Ibitekerezo

dodos - 10/08/2017 saa 02:04

Ubwo yarababenze!!!!
Kanda hano umusubize

Gahara - 9/08/2017 saa 09:05

Wabona buriya atwite nawe.
Kanda hano umusubize

Thiago Kurutuba - 9/08/2017 saa 06:58

Uyu nawe ngo ararongoye, icyakora nari nibeshye ntawuzaba uhenze undi da, bose ni ibihomora!
Kanda hano umusubize

Bgenge - 8/08/2017 saa 15:02

Duheruka Young Grace avuga ko atazarongorwa n'umusore ufite uruhu rwirabura; none icyo cyemezo cye cyaba cyarahindutse ryari?
Kanda hano umusubize

Kbsa - 9/08/2017 saa 11:37

Nange bgenge we niko mperuka avuga..! Wabona se byarahindutse😋😋😋?!!!
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X