Monaco cosmetics
Ahabanza  >>  Amakuru yose >> Imyidagaduro >> Mu Rwanda >> 

Uncle Austin yahakanye ko atarandukana na Marina

Uncle Austin Umuhanzi akaba n’umunyamakuru kuri Radio Kiss FM aratangaza ko akiri kumwe na Uwase Deborah umuhanzikazi uzwi nka Marina mu muziki, mu gihe hari amakuru avuga ko yamaze gutandukana na we n’uwo muhanzi yari asanzwe afasha nk’Umujyanama (Manager).

Ramadhan ni we watangajwe ko ari umujyanama mu bya muzika w’umuhanzikazi Marina, akaba aje gusimbura Uncle Austinwanabyemeje abinyujije ku rubuga rwe rwa instagram.

Gutandukana kwa Uncle Austin na Marina, ngo ni uburyo bw’uko umwe muri bo agomba kwita ku muziki we bya kinyamwuga bitari ukumufasha gusa.

Ramadhan wamaze kugirana amasezerano na Marina yitwa ay’igihe kirekire ariko kitazwi uko kingana, avuga ko yahisemo gukorana na Marina nk’umunyempano mushya mu muziki kandi ugaragaza ubushobozi.

Ati “Mu gihe gito amaze mu muziki, afite izina rigaragaza ko yitaweho ashobora kugira impinduka akora mu muziki w’u Rwanda. Ibyo ni bimwe mu byatumye nifuza imikoranire yanjye nawe”.

Uyu Ramadhan ni izina ritari risanzwe rivugwa cyane mu bajyanama b’abahanzi nk’andi arimo Muyoboke Alexis, Richard n’abandi. Gusa we avuga ko ibikorwa yifuza gukora aribyo bizagaragaza uwo ariwe.

Uncle Austin arahakana ko akiri kumwe na Marina

JPEG - 51.5 kb
Uncle Austin ngo aracyari kumwe na Marina

Mu kiganiro yagiranye na Imirasire.com Uncle Austin yavuze ko akiri kumwe na Marina. Uncle Austin yavuze ko Ramadhan yaje gufasha Marina mu rwego rw’amafaranga ko.

Uncle Austin ati “ Ntabwo twatandukanye na Marina ahubwo n’undi muntu wamusinyiye wifuza ko bakorana. Nanjye ntacyo byantwara iyo umuntu azanye Talent(impano) nkumva arabizi. Ibyo akora ni byiza hakaba n’undi muntu wifuza kumushoramo amafaranga kugira ngo agere kuri byinshi nari ntaramukorera. Si ugutandukana ahubwo n’undi muntu wifuje kumushoramo amafaranga”
Uncle Austin yavuze ko azakomeza kumugira inama nk’uko bisanzwe.

Mu ntangiriro za 2017 nibwo Marina yumvikanye bwa mbere mu ndirimbo yise ‘Byarara bibaye’. Yumvikana mu jwi benshi bacyekaga ko ari Priscillah.
Nyuma y’iyo ndirimbo yaje kumvikana mu ndirimbo ihuriwemo n’abandi bahanzi basanzwe bafite amazina akomeye mu muziki barimo Jay Polly, Urban Boys n’abandi yitwa ‘Too Much’.

Byaje gutuma afata ingamba zo gukora umuziki by’umwuga kubera ko yasaga nk’umaze kubona intangiriro y’inzira mu rugendo rw’umuziki akora indi nshya yise ‘Bikakubera’.

Marina yavuze ko yinjiye mu muziki abizi neza ko ashobora guhura n’imbogamizi zitazamworohera. Ariko yiteguye gukora uko ashoboye akagera ku ntego ye yo kugira umusanzu atanga ku muziki w’u Rwanda.

Nkindi Alpha

Kanda hano udukurikire kuri Facebook na Twitter

Ibitekerezo

kwizera shadrack - 10/08/2017 saa 07:02

urabeshya sha
Kanda hano umusubize

kwizera shadrack - 10/08/2017 saa 07:01

don't do it OK
Kanda hano umusubize

Kavuzi - 9/08/2017 saa 13:53

Reka aze umushoremo amafarango amushoremo nikindi utazi.
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X