Monaco cosmetics
Ahabanza  >>  Amakuru yose >> Imyidagaduro >> Hanze y’u Rwanda >> 

Icyizere cyo kwinjira mu Nteko Ishinga Amategeko ya Kenya nk’Umudepite ni cyose kuri Jaguar

Charles Njagua Kanyi wamenyekanye ku izina rya Jaguar mu ndirimbo yise ‘Kigeugeu’, ari mu bahabwa amahirwe menshi yo kwinjira mu Nteko Ishinga Amategeko muri Kenya nk’Umudepite, aho azaba ahagarariye ishyaka riri ku butegetsi ‘Jubilee’ rya Uhuru Kenyatta.

Uretse indirimbo ‘Kigeugeu’ yamenyekaniyeho cyane mu karere no muri Afurika muri rusange, Jaguar azwi no mu zindi ndirimbo yakoze kandi zakunzwe cyane by’umwihariko muri Kenya, nka ‘Kioo, Nikuskize, Warriors n’izindi.

Jaguar ni Umurwanashyaka wa 'Jubilee', ishyaka rya Uhuru Kenyatta

Icyizere cya Jaguar cyo kwinjira mu Nteko Ishinga Amategeko nk’Umudepite agikura ku by’agateganyo bimaze kuva mu ibarura ry’amajwi, aho agize angana na 43,914 mu gihe umukurikiye ari we Steve Mbogo afite 27,365.

Zipo.co.ke dukesha iyi nkuru ivuga ko Jaguar yabaye impirimbanyi cyane mu matora y’umukuru w’igihugu, aho ashyigikiye Perezida Uhuru Kenyatta n’ishyaka ‘Jubilee’ riri ku butegetsi muri Kenya.

Depite Maina Kamanda yamamaza Jaguar

Icyo gitangazamakuru gikomeza kivuga ko nta washidikanya ko aho ari ho haturutse gukundwakazwa na Perezida Uhuru Kenyatta kwa Jaguar, bikaba bimwe mu byatumye uyu muhanzi wamamaye mu Karere ka Afurika y’Iburasirazuba nk’umuherwe mu bakora uwo mwuga, afata icyemezo cyo kwinjira muri Politiki.

Jaguar aramutse atsinze ayo matora, yaba ageze ikirenge mu cy’abahanzi b’ibyamamare bagenzi be nka Professor Jay na Joseph Mbilinyi, Abadepite mu Nteko Ishinga Amategeko ya Tanzania na Bobi Wine uherutse gutorerwa uwo mwanya muri Uganda.

Ni umwe mu bahanzi b'abaherwe muri aka karere

Kanda hano udukurikire kuri Facebook na Twitter

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X