Monaco cosmetics
Ahabanza  >>  Amakuru yose >> Imikino >> Hanze y’u Rwanda >> 

Real Madrid yubatse amateka akomeye muri ruhago

Ikipe ya Real Madride yesheje agahigo k’ikipe ibashije kwinjiza igitego mu mikino itandukanye bikaba byatumye abafana bakomeza kuyigirira icyizere.


Tariki ya 17 Nzeli 2017, izahora yibukwa nk’umunsi ikipe ya Zinedine Zidane yakoze amateka yo kuzuza imikino 73 yikurikiranya, yose batsindamo igitego, aho bagejeje ku muhigo wari ufitwe na Santos ya Pelé (muri Brazil).

Igitego cya Borja Mayoral ku munota wa 19 w’umukino, ubwo batsindaga Real Sociedad ibitego 3-1, cyafashije ikipe ya Real Madrid kunganya n’iyi kipe yari imaz igihe yihariye uyu muhingo wo gutsinda mu mikino myinshi yikurikiranya ku Isi nzima.

Santos ni yo kipe yabashije gukora ibi kuva tariki ya 21 Ugushyingo 1961 kugeza tariki ya 15 Kanama 1963, ubwo yarimo igihangange Pelé, aho batsinzemo imikino 52, banganya imikino 14 mu gihe batakaje imikino 7, batsinda ibitego 245 mu gihe bo binjijwe ibitego 96.

Nyuma y’imyaka 54, Real Madrid yabigezeho itsinze imikino 53, inganya 13 mu gihe yatsinzwe 7.

I Burayi, ikipe ya Bayern Munich ni yo yari iherutse kugeza imikino myinshi, yose itsindamo igitego, 2012/13 na 2013/14, ariko Real Madrid iza kuyirengaho.

Abakinnyi barimo Cristiano Ronaldo, Gareth Bale, Karim Benzema, Isco na Asensio kimwe na bagenzi babo barimo na Alvaro Morata wagurishijwe muri Chelsea, bose bagize uruhare mu kugera kuri uyu muhigo.

Kugira ngo Real Madrid ikora amateka, yiharire aka gahigo, birayisaba kuzinjiza igitego mu mukino bazakiramo Real Betis kuwa Gatatu tariki ya 20 uku kwezi, kuri Santiago Bernabéu, aho bazaba banagaruye Cristiano Ronaldo utarakinnye imikino 5 iheruka muri Espagne, nyuma yo kuyihagarikwa, azira gusunika umusifuzi ku mukino Super Coupe.

Real Madrid yaherukaga gukina umukino ntibonemo igitego, ubwo banganyaga na Manchester City ubusa ku busa muri Mata 2016, muri UEFA Champions League.

Iyi kipe yinjije ibitego 198 muri iyi mikino 73 yose batsinzemo mu buryo bukurikira

LaLiga 118

Champions League 41

Copa del Rey 22

Club World Cup 6

European Super Cup 5

Spanish Super Cup 5

Ndacyayisenga Fred

Kanda hano udukurikire kuri Facebook na Twitter

Ibitekerezo

wilson - 11/10/2017 saa 17:37

erega nubundi iyo nikipe yubwami ureke barca bibiraga
Kanda hano umusubize

Tanga igitekerezo

Amazina yawe

Email yawe

Igitekerezo cyawe

Niba igitekerezo cyawe kidatukana, ntigisesereze.

Gihawe ikaze.

Close X